ఆకట్టుకుంటున్న శ్రీవారి సైతిక శిల్పం
Andhra Pradesh Telugu | Suryaa Desk | Published : Tue, Oct 01, 2019, 12:32 AM
శ్రీమహావిష్ణువు గరుడినిపై వస్తున్న విధంగా రూపొందించిన సైకత శిల్పం, స్వామివారి చిత్రాలు, వాహనసేవలు, త్రీడీ ప్రొజెక్షన్ మ్యాపింగ్ లను టిటిడి చైర్మన్ తిలకించారు. ప్రత్యేక పుస్తక ప్రదర్శన, సూక్ష్మ కళా చిత్ర ప్రదర్శన, ఎస్వీ ఆయుర్వేద కళాశాల ఆధ్వర్యంలో ఏర్పాటు చేసిన జౌషధాల ప్రదర్శన, టిటిడి ప్రజాసంబంధాల విభాగం ఆధ్వర్యంలో భక్తులను ఆకర్షించేలా ఏర్పాటు చేసిన ఫోటో ఎగ్జిబిషన్ ను తిలకించారు. నాడు నేడు పేరిట తిరుమల చరిత్రను తెలిపే ఫోటోలు, టిటిడి ఉత్సవాలు, పంచబేరాలు, అలిపిరి నుండి అఖిలాండం వరకు గల విశేషాలు, శ్రీవారి ఆలయంలోని మండపాలు, ఘాట్ రోడ్ల ఫోటోలను పరిశీలించారు. అంతకుముందు శ్రీవరాహస్వామి అతిథి గృహం – 1 పక్కన ఎస్వీ ఆయుర్వేద ఆసుపత్రి ఆధ్వర్యంలో ఏర్పాటు చేసిన ఉచిత ఆయుర్వేద వైద్య శిబిరాన్ని ప్రారంభించారు. భక్తులకు అవసరమైన వైద్యసేవలు అందించాలని కోరారు.
|
|