నడిరోడ్డుపై మహిళా డీసీపీని తరుముకుంటూ వచ్చిన లాయర్లు
Andhra Pradesh Telugu | Suryaa Desk | Published : Fri, Nov 08, 2019, 11:22 AM
ఇటీవల ఢిల్లీ పోలీసులు, లాయర్లకు మధ్య చెలరేగిన ఘర్షణ దేశ వ్యాప్తంగా చర్చనీయాంశంగా మారింది. ఈ ఘటనలో మహిళా డీపీసీపై లాయర్లు దాడి చేసిన విషయం తెలిసిందే. ఇందుకు సంబంధించిన వీడియోలు బయటకు వచ్చాయి.ఓ మహిళా డీసీపీని కొందరు లాయర్ల గుంపు వెంటాడిన తీరు ఆశ్చర్యం కలిగిస్తోంది. చివరకు మఫ్టీలో ఉన్న ఇద్దరు పోలీసు సిబ్బంది ఆమెకు రక్షణగా నిలిచి, ఘర్షణ చెలరేగిన చోటు నుంచి బయటకు తీసుకెళ్లారు. సీసీటీవీ ఫుటేజీలో ఈ దృశ్యాలు కనపడ్డాయి. లాయర్ల తీరుపై విమర్శలు వస్తున్నాయి. మహిళా డీసీపీని బయటకు తీసుకొస్తున్న సమయంలో తన భుజానికి బలమైన గాయమైందని ఓ పోలీసు తెలిపారు. ఆ డీసీపీ సబార్డినేట్లలో ఒకరిది పిస్టోల్ పోయిందని చెప్పారు. డీసీపీని తరమడమే కాకుండా లాయర్లు పలు వాహనాలకు నిప్పుపెట్టారు. వాటిని పోలీసులు ఆర్పేశారు. పోలీసులు సరైన సమయంలో స్పందించకపోతే ఆ మంటలు వ్యాపించి భారీ ప్రమాదం జరిగేది.
|
|