శాసన మండలి రద్దు ఒక కీలకమైన తీర్మానం: అంబటి
Andhra Pradesh Telugu | Suryaa Desk | Published : Wed, Jan 29, 2020, 06:48 PM
శాసనమండలి రద్దు అంధ్రప్రదేశ్ అభివృద్దికి దోహదపడుతుందని వైఎస్సార్ కాంగ్రెస్ పార్టీ ఎమ్మెల్యే అంబటి రాంబాబు పేర్కొన్నారు. నాడు కాంగ్రెస్ పార్టీ సీఎంగా వైఎస్సార్ శాసనమండలి ఏర్పాటు చేశారని గుర్తు చేసిన అంబటి.. అదే సమయంలో చంద్రబాబు మాట్లాడింది ఎల్లో మీడియా ఎందుకు రాయడం లేదని ప్రశ్నించారు. సోమవారం జరిగిన శాసన మండలి రద్దు ఒక కీలకమైన తీర్మానమని 1983లో నాడు ఎన్టీఆర్ తీసుకున్న నిర్ణయమే తిరిగి నేడు సీఎం వైఎస్ జగన్మోహన్రెడ్డి తీసుకున్నారని చెప్పారు. కీలకమైన నిర్ణయం తీసుకుంటున్నప్పుడు చంద్రబాబు ఉద్దేశపూర్వకంగా సభకు రాలేదని ఇది మీ తప్పు కాదా? అని ప్రశ్నించారు. కౌన్సిల్కు శాసన పరిమితులు ఉన్నాయని వాటిని ధిక్కరిస్తే ఏమి జరుగుతుందో.. నిన్నటి పరిణామాలు చోటుచేసుకుంటాయని హెచ్చరించారు. అసెంబ్లీ సాక్షిగా ప్రదర్శించిన చంద్రబాబు నాడు-నేడు మాట్లాడిన వీడియోల ద్వారా ఆయనేంటో రాష్ట్ర ప్రజలకు తెలిసిందన్నారు.
|
|