ఈ ఫుడ్స్ తింటే బాడీలో పేరుకుపోయిన కొవ్వు ఇట్టే కరిగిపోతుంది

2025 ఏడాదికి త్వరలోనే ఎండ్ కార్డ్ పడనుంది. 2026 ఏడాదికి వెల్ కమ్ చెప్పడానికి అందరు సిద్ధమయ్యారు. అయితే, ఇక కొత్త సంవత్సరాన్ని ఎన్నో ఆశలతో ఆహ్వానిస్తారు. చాలా మంది కొత్త ఏడాది కొన్ని లక్ష్యాలను సాధించాలని టార్గెట్ పెట్టుకుంటారు. వీటిని న్యూ ఇయర్ రిసొల్యూషన్స్ అంటారు. చాలా మంది పెట్టుకునే లక్ష్యం ఒకటి ఉంది. అదే బరువు తగ్గడం.

ఈ రోజుల్లో చాలా మంది ఊబకాయంతో బాధపడుతున్నారు. అధిక బరువు శరీర ఆకృతిని పాడు చేయడమే కాకుండా ఎన్నో ఆరోగ్య సమస్యల్ని తీసుకువస్తుంది. డయాబెటిస్, కొలెస్ట్రాల్, అధిక రక్తపోటు వంటి సమస్యలకు కారణమవుతుంది. అందుకే బరువు తగ్గాలని చాలా మంది నిర్ణయించుకుంటారు.

​బరువు తగ్గడం అనుకున్నంత అంత ఈజీ కాదు. అందుకే ఓ ప్లాన్ ఉండాలి. సరైన ప్లాన్ లేకపోతే.. ప్రతి ఏడాదిలాగే.. కొత్త సంవత్సరం కూడా నిరాశే ఎదురవుతుంది. బరువు తగ్గడానికి డైట్ ప్లాన్ ఎంతో ముఖ్యం. ఆహారంలో సరైన మార్పులు చేసుకుంటే బరువు తగ్గడం సులభం అవుతుందని నిపుణులు అంటున్నారు. 2026లో బరువు తగ్గడమే మీ లక్ష్యం అయితే.. ఆహారంలో చేసుకోవాల్సిన మార్పులేంటో ఓ లుక్కేద్దాం.

 డ్రై ఫ్రూట్స్‌ని భాగం చేసుకోండి

ఈ రోజుల్లో చాలా మంది తమ డైట్‌లో డ్రై ఫ్రూట్స్ తింటున్నారు. డ్రై ఫ్రూట్స్ తినడం వల్ల ఎన్నో లాభాలు ఉన్నాయి. బరువు తగ్గాలనుకునేవారికి డ్రై ఫ్రూట్స్ బెస్ట్ ఆప్షన్. ప్రతి రోజూ బ్రేక్‌ఫాస్ట్‌లో నానాబెట్టిన డ్రై ఫ్రూట్స్ తినండి. వీటిలో బాదం, వాల్‌నట్స్, ఎండుద్రాక్ష, జీడిపప్పు, పిస్తా, అంజూర, ఖర్జూరం ఉండేలా చూసుకోండి.

మీరు కావాలంటే విత్తనాలు కూడా యాడ్ చేసుకోవచ్చు. గుమ్మడి గింజలు, పొద్దుతిరుగుడు విత్తనాలు, అవిసె గింజలు వంటి వాటిని భాగం చేసుకోండి. ఆకలిని నియంత్రించడానికి స్నాక్ ఐటమ్‌గా వేయించిన మఖానాల్ని చేర్చుకోండి. ఇవన్నీ మీకు పోషకాలు, విటమిన్లు, ఖనిజాలు, ఫైబర్, ఆరోగ్యకరమైన కొవ్వుల్ని అందిస్తాయి. బరువు తగ్గడానికి సాయపడతాయి.

తాజా పండ్లు కూడా మేలు చేస్తాయి

తాజా పండ్లు ఆరోగ్యానికి చేసే మేలు అంతా ఇంతా కాదు. చాలా మంది బరువు తగ్గాలనకునేవారు ఫ్రూట్ జ్యూసులు తాగుతారు. అయితే, వీటిలో యాడెడ్ ఫ్లేవర్స్, షుగర్ ఉంటాయి. ఇవి మీ బరువును ఇంకా పెంచుతాయి. అందుకే రోజూ 1-2 పండ్లు తినడం అలవాటు చేసుకోండి. పండ్లను ఖచ్చితంగా మీ బ్రేక్‌ఫాస్ట్‌లో చేర్చాలి.

కావాలనుకుంటే ఏదైనా సీజనల్ పండ్లను తినవచ్చు. మీకు ఎసిడిటీ సమస్య ఉంటే ఉదయం పుల్లని పండ్లను నివారించండి. పండ్లు, డ్రై ఫ్రూట్స్ మిశ్రమంతో నిండిన బ్రేక్‌ఫాస్ట్ మీ కడుపును నిండుగా ఉంచుతుంది. అరటిపండ్లు, ఆపిల్, బొప్పాయి, బెర్రీస్, ఆరెంజ్, కివీస్, జామ వంటి వాటిని తినడం మంచి ఆప్షన్.

బరువు తగ్గడానికి సలాడ్స్

శీతాకాలంతో పాటు వచ్చే సమ్మర్ సీజన్‌లో కూరగాయలు పుష్కలంగా దొరకుతాయి. అందుకే సలాడ్ల రూపంలో వీలైనన్నీ ఎక్కువ కూరగాయల్ని చేర్చుకోండి. బీట్‌రూట్‌లు, క్యారెట్లు, పాలకూర, బ్రోకలీ, క్యాబేజీ, కాలే, దోసకాయలు, టమోటాలు, ఇతర కూరగాయలను మీ ఆహారంలో సలాడ్లగా చేర్చుకోండి.

మీరు పచ్చి సలాడ్ తినకూడదనుకుంటే.. తేలికగా ఆవిరి మీద ఉడికించి తినండి. ఇది మీ కడుపుని సులభంగా నింపుతుంది. ఎక్కువ తినాలనే కోరికను నియంత్రిస్తుంది. బరువు తగ్గడానికి సాయపడుతుంది.

సూప్స్, పెరుగుతో కూడా బరువు తగ్గవచ్చు

శీతాకాలంలో పెరుగు తినలేకపోతే, దానికి బదులుగా సూప్ తాగండి. భోజనానికి ముందు సూప్ తాగడం వల్ల కడుపు నిండుగా ఉంటుంది. దీంతో అతిగా తినడం నివారించవచ్చు. కూరగాయల్ని కలిపి ఉడికించి సూప్ తయారు చేసుకోవచ్చు.

శీతాకాలంలో మీ ఆహారంలో సూప్ చేర్చుకోండి. ఇది బరువు తగ్గడానికి అద్భుతంగా పనిచేస్తుంది. వేసవిలో సూప్ కు బదులుగా పెరుగు, మజ్జిగ, లస్సీ వంటివి తాగండి. వీటిలో ప్రోబయోటిక్స్ ఉంటాయి. ఇవి జీర్ణక్రియకు మేలు చేస్తాయి. ఇవి మీ ఆకలిని తగ్గిస్తాయి. శరీరానికి ఎక్కువ పోషణను అందిస్తాయి. బరువు తగ్గడాన్ని సులభతరం చేస్తాయి.

తృణధాన్యాలు కూడా తక్కువేం కాదు

రోజుకు కనీసం ఒక్కసారైనా తృణధాన్యాలు తినాలని నిర్ధారించుకోండి. గోధుమ రొట్టె అంటే చపాతీకి బదులుగా.. మిల్లెట్, రాగి, జొన్న లేదా మొక్కజొన్న రొట్టె తినండి. ఈ రొట్టెలు తగినంత పోషకాలను అందిస్తాయి.

అంతేకాకుండా బరువు తగ్గడానికి సాయపడతాయి. తృణధాన్యాలు శరీరానికి చాలా ప్రయోజనకరంగా ఉంటాయి. కావాలనుకుంటే మీరు అన్నింటిని కలిపి పిండిలా చేసుకుని రొట్టెలు చేసుకుని తినవచ్చు. అంతేకాకుండా ఆహారంలో ఓట్ మీల్, క్వినోవా చేర్చుకోండి. ఇవి బరువు తగ్గడానికి సాయపడతాయి.

ఆహారం మాత్రమే కాదండోయ్

బరువు తగ్గడంలో ఆహారం కీలక పాత్ర పోషిస్తుంది. అయితే, కేవలం ఆహారపు అలవాట్లతోనే బరువు తగ్గాలనుకోవడం కొంచెం కష్టంతో కూడుకున్న పని.

బరువుతో పాటు వ్యాయామం చాలా ముఖ్యం. రోజూ కనీసం 10 వేల అడుగులు నడవడానికి ప్రయత్నించండి. వాకింగ్‌తో పాటు ఏవైనా వ్యాయామాల్ని కూడా జీవనశైలిలో భాగం చేసుకోండి.

ఒత్తిడి కూడా బరువు పెరగడానికి కారణమవుతుంది. అందుకే ఒత్తిడిని తగ్గించుకోవాలి. ఒత్తిడిని తగ్గించుకోవడానికి యోగా, ప్రాణాయమం, ధ్యానం వంటివి చేయండి.

తగినంత నిద్ర కూడా ముఖ్యమని గుర్తించుకోండి. రోజూ ఎనిమిది గంటలు నిద్రపోయేలా ప్లాన్ చేసుకోండి. రాత్రి త్వరగా నిద్రపోయి.. ఉదయాన్నే మేల్కొవడానికి ప్రయత్నించండి.