కుటుంబకలహాలతో భర్త మర్మాంగం కోసేసిన భార్య..
Andhra Pradesh Telugu | Suryaa Desk | Published : Thu, Jun 04, 2020, 04:15 PM
భర్త మీద కోపంతో ఓ భార్య దారుణానికి ఒడిగట్టింది. అతడు నిద్రపోతున్న సమయంలో మంచానికి కట్టేసి మర్మాంగాన్ని కోసేసింది. పశ్చిమగోదావరి జిల్లాలో ఈ దారుణం వెలుగులోకి వచ్చింది. టి.నరసాపురం మండలం మక్కినవారి గూడెం గ్రామానికి చెందిన భార్యాభర్తల మధ్య కుటుంబకలహాలు ఉన్నాయి. వారిద్దరూ తరచుగా గొడవపడుతున్నారు. భర్తతో గొడవల వల్ల భార్యకు మనశ్శాంతి లేకుండా పోయింది. ఈక్రమంలో అతడి మీద కోపం రోజురోజుకూ పెరుగుతోంది. అతడికి బుద్ధి చెప్పాలని చూసింది. ఈరోజు తెల్లవారుజామున భర్త అప్పారావు ఆదమరిచి నిద్రపోతున్న సమయంలో భార్య అతడిని తాళ్లతో మంచానికి కట్టేసింది. అనంతరం కొడవలి తీసుకొచ్చి భర్త అప్పారావు మర్మాంగం కోసేసింది. భార్య చేసిన పనికి లోబోదిబోమంటూ భర్త అప్పారావు గావుకేకలు పెట్టాడు. దీంతో చుట్టుపక్కల వారు వచ్చి చూసేసరికి అక్కడ జరిగిన ఘటన అర్థమైంది. ఆమె చేసిన పనికి అతడు తీవ్ర రక్తస్రావమై చనిపోయాడు. పోలీసులు కేసు నమోదు చేసుకుని దర్యాప్తు చేస్తున్నారు.
|
|