కరోనా టెస్టుల్లో ఏపీ సరికొత్త రికార్డు
Andhra Pradesh Telugu | Suryaa Desk | Published : Fri, Jun 05, 2020, 03:52 PM
కరోనా పరీక్షలు తక్కువ చేస్తున్నారని అనేక రాష్ట్రాల్లో వివాదం జరుగుతుంటే.. ఏపీ ప్రభుత్వం మాత్రం అత్యధిక టెస్టులతో దేశంలోనే రికార్డు సృష్టిస్తోంది. ఏపీ ప్రభుత్వం ఇప్పటికే 4 లక్షల కోవిడ్-19 పరీక్షలను నిర్వహించింది. నిన్నటి వరకే రాష్ట్రంలో మొత్తం 4,13,773 లక్షల మందికి కరోనా పరీక్షలు నిర్వహించినట్లు వైద్య ఆరోగ్య శాఖ వర్గాలు తెలిపాయి. ఇందులో 4112 మందికి కరోనా సోకినట్లు తేలింది. ఇందులో ఇతర రాష్ట్రాల నుంచి వచ్చిన వారు 616 మంది ఉండగా.. రాష్ట్రానికి చెందిన వారు 3377 మంది ఉన్నారు. విదేశాల నుంచి తిరిగి వచ్చిన వారు మరో 119 మంది ఉన్నారు. రాష్ట్రంలో మే 1 నాటికి కోవిడ్ పరీక్షల సంఖ్య లక్ష దాటగా.. నెల రోజుల్లోనే ఆ సంఖ్య ఏకంగా 4లక్షలు దాటడం విశేషం. పరీక్షల సామర్థ్యాన్ని ప్రభుత్వం మూడు రెట్లు పెంచడంతో 4,13,733 కోవిడ్ టెస్టుల మైలురాయిని చేరగలిగింది. రాష్ట్ర ప్రభుత్వం కఠినమైన విధానాలతో అవలంభిస్తున్న కఠినమైన విధానాలతో కరోనాను కట్టడి చేస్తున్నట్లు రాష్ట్ర నోడల్ ఆఫీసర్ డాక్టర్ అర్జ శ్రీకాంత్ అన్నారు. ఏపీలో ఒక మిలియన్ జనాభాకు 7748 టెస్టులు జరుగుతున్నాయన్నారు. ఏపీ దేశంలోనే అత్యధిక టెస్టులు జరుగుతున్న రాష్ట్రం అని అన్నారు. కరోనా వ్యాప్తిని నిరోధించడంలో ప్రపంచ, జాతీయ సగటుతో పోల్చితే ఆంధ్రప్రదేశ్ మంచి స్థానంలో ఉందన్నారు.
|
|