లాక్ డౌన్ లో రోజు రోజుకు పెరిగిపోతున్న ఆత్మహత్యలు...
national | Suryaa Desk | Published : Wed, Jun 17, 2020, 04:21 PM
లాక్డౌన్ సమయంలో ఉరివేసుకుని ఆత్మహత్యకు పాల్పడిన వారి సంఖ్య చాలా పెరగిందని పుణెలోని ససూన్ ప్రభుత్వ ఆస్పత్రి వెల్లడించింది. కరోనా వ్యాప్తి నేపథ్యంలో మార్చి నెల మధ్య నుంచి దేశ వ్యాప్తంగా కేంద్ర ప్రభుత్వం లాక్డౌన్ విధించిన విషయం తెలిసిందే. ఆ సమయంలో ఒక్క ససూన్ ఆస్పత్రి పరిధిలోనే ఏప్రిల్ నెలలో 29 మంది బాధితులు ఉరివేసుకుని ఆత్మహత్యకు పాల్పడ్డారు. అదలా ఉంటే.. మే నెలలో 40 మంది ఆ విధంగానే ఆత్మహత్యకు పాల్పడిన కేసులు నమోదు అయ్యాయి. ఇక జూన్ మధ్య నాటికి 39 ఆత్మహత్య కేసులు నమోదు అయ్యాయని ఆస్పత్రి వర్గాలు వెల్లడించారు. మొత్తంగా ఇప్పటి వరకు ససూన్ ఆస్పత్రి పరిధిలో లాక్డౌన్ సమయంలో 108 ఆత్మహత్య కేసులు నమోదు అయ్యాయి. వీరంతా మానసిక ఒత్తిడి కారణంగానే చనిపోయారని ఆస్పత్రి వర్గాలు చెబుతున్నారు. ఒక్క ససూన్ ఆస్పత్రి పరిధిలోనే పరిస్థితి ఇలా ఉంటే.. దేశ వ్యాప్తంగా ఏలా ఉంటుందనే ప్రశ్నలు ఉత్పన్నమవుతున్నాయి.
|
|