వేలంలో ప్రపంచ రికార్డు

మధ్య ఇంగ్లండ్‌లోని ఆ ఆవు వయసు అంతా కలిపి 14 నెలలు. ప్రపంచంలో అత్యుత్తమ జాతి ఆవుల్లో ఇదీ ఒకటి. వేలంలో ఏకంగా రూ.2.61 కోట్లకు అమ్ముడైంది. ఆశ్చర్యమే. ఆవు పేరు పోష్ స్పైస్ (Posh Spice). ఇంగ్లండ్... ష్రాప్‌షైర్‌లోని పెరిగింది. తాజాగా దీన్ని వేలం వేయగా... ప్రపంచ రికార్డు స్థాయిలో అమ్ముడైంది. ఇదివరకు ఇలాగే వేలం వేసిన ఆవు ధర కంటే... దీని ధర దాదాపు రెట్టింపు పలికింది. ష్రాప్‌షైర్‌కి చెందిన లిమోసిన్ హైఫెర్ దీన్ని దక్కించుకున్నారు. 2014లో ఓ ఆవు రూ.1.31 కోట్లు పలికింది. ఇప్పటివరకూ ప్రపంచంలో ఖరీదైన ఆవు అదే. ఇప్పుడు ఆ రికార్డును పోష్ తుడిచిపెట్టింది. అంతేకాదు... యూరప్, బ్రిటన్‌లో అత్యంత ఖరీదైన ఆవుగా కూడా ఇది నిలిచింది. దాంతో అందరూ దీన్ని వింతగా చూస్తున్నారు.

పొడిగ్రీ జాతికి చెందిన పోష్ స్పైస్‌కి... ఈ పేరు పెట్టడానికి ఓ కారణం ఉంది. 1990 నాటి వరల్డ్ ఫేమస్ పాప్ బ్యాండ్ స్పైస్ గర్ల్స్... ని పోష్ స్పైస్ అని కూడా అంటారు. ఆ బ్యాండ్ అంటే ఈ ఆవు ఓనర్లకు ఇష్టం. అందుకే దీనికి ఆ పేరు పెట్టారు.ఇవి కాస్త రఫ్‌గా ఉండే ఆవులు. ఇలాంటి జాతిని 1989 నుంచి డాన్, ఆయన కూతురు, రైతు అయిన క్రిస్టీన్ విలియమ్స్ పెంచుతున్నారు. ఓ ఆవుకి పుట్టిన నాలుగు దూడలను వీరు కాపాడారు. తల్లి చనిపోయినా... పిల్ల ఆవులను కాపాడటం ద్వారా వాటిని పెంచుతున్నారు. ఈ ఆవు ఇంత ఎక్కువ ధరకు అమ్ముడవ్వడంపై క్రిస్టీన్ ఆశ్చర్యపోతున్నారు. "ఇంత ధర పలుకుతుందని మేం అస్సలు అనుకోలేదు. లాటరీ తగిలినట్లుగా ఉంది. మేం చాలా ఆనందపడుతున్నాం. మంచి ఫలితం దక్కింది" అని ఆమె తెలిపారు.

ఈ ఆవు చూడటానికి చాలా అందంగా ఉంటుందనీ... ప్రతి ఒక్కరినీ ఇది ఆకర్షించగలదనీ... అందుకే ఇంత ఎక్కువ ధర పలికిందని ప్రజలు అంటున్నారు. ఐతే... ప్రపంచంలోనే ఉత్తమ జాతి ఆవుల్లో ఇవి ఉన్నాయి. అందువల్ల ఇలాంటి ఆవులను పెంచే కాంబ్రియాలోని జెన్కిన్సన్, గ్రేటర్ మాంచెస్టర్ లోని డేవిస్, బిడెన్... తమకు పోష్ స్పైస్ కావాలని అడిగారు. అందువల్ల వేలం పెట్టగా తిరుగులేని రేటు పలికినట్లైంది.