ట్రెండింగ్
దినకరన్ కు షాకిచ్చిన తమిళనాడు గవర్నర్!
Andhra Pradesh Telugu | Suryaa Desk | Published : Wed, Aug 30, 2017, 03:55 PM
అన్నాడీఎంకే తిరుగుబాటు నేత దినకరన్ కు తమిళనాడు తాత్కాలిక గవర్నర్ విద్యాసాగర్ రావు షాకిచ్చారు. 19 మంది ఎమ్మెల్యేలను తనవైపు తిప్పుకోవడం ద్వారా పళనిస్వామి, పన్నీర్ సెల్వంల ప్రభుత్వాన్ని ఇరుకున పెట్టేందుకు దినకరన్ యత్నిస్తున్న సంగతి తెలిసిందే. ఈ క్రమంలో, అసెంబ్లీలో బల నిరూపణకు ఆదేశించాలంటూ గవర్నర్ ను ఆయన కోరారు. అయితే, దినకరన్ విజ్ఞప్తిని గవర్నర్ సున్నితంగా తిరస్కరించినట్టు సమాచారం. ప్రభుత్వాన్ని వ్యతిరేకిస్తున్న ఎమ్మెల్యేలంతా ఇంకా అన్నాడీఎంకే పార్టీలోనే కొనసాగుతున్నారని, ఈ తరుణంలో బల నిరూపణకు తాను ఆదేశించలేనంటూ విద్యాసాగర్ రావు స్పష్టం చేసినట్టు 'విదుదలై చిరుతైగల్ కట్చి' నేత తురుమవల్లవన్ తెలిపారు.
|
|