సంతోషం, చిరునవ్వులు విరియాలి:చంద్రబాబు
Andhra Pradesh Telugu | Suryaa Desk | Published : Fri, Dec 31, 2021, 08:59 PM
నూతన సంవత్సరం ప్రజలందరికీ ఆనందోత్సాహాలను పంచాలని తెలుగుదేశం పార్టీ జాతీయ అధ్యక్షులు నారా చంద్రబాబు నాయుడు ఆకాంక్షించారు. కోవిడ్ మార్గదర్శకాలను పాటిస్తూ.. నూతన సంవత్సర వేడుకలు జరుపుకోవాలని ప్రజలకు విజ్ఞప్తి చేశారు. గడచిన సంవత్సరంలోని అనుభవాలను, భవిష్యత్ ఏడాదికి పునాదులుగా మలచుకుని ప్రతి ఒక్కరూ తమ తమ రంగాల్లో మహోన్నత స్థానానికి చేరుకోవాలని మనస్ఫూర్తిగా కోరుకుంటున్నట్లు తెలిపారు. తెలుగు ప్రజలు మరిన్ని విజయాలు సాధించి ప్రపంచంలోనే అత్యుత్తమ శిఖరాలకు ఎదగాలని, వారి కుటుంబాల్లో సుఖసంతోషాలు విలసిల్లాలి. తెలుగు రాష్ట్రాలు అభివృద్ధి పథంలో ముందుకు సాగాలని, దేశంలోనే అగ్ర పథంలో నిలవాలని ఆకాంక్షించారు. 2022 ప్రజల జీవితాల్లో వెలుగులు నింపాలని కోరుకుంటున్నట్లు తెలిపారు. కొత్త ఏడాదిలో సరికొత్త ఆలోచనలు, లక్ష్యాలతో ముందుకు సాగాలి. యువత ఏర్పాటు చేసుకున్న లక్ష్యాలు, కలలు నెరవేరాలని ఆశాభావం వ్యక్తం చేశారు.
|
|