కోవిడ్ పై కలిసి పోరాడాలి
international | Suryaa Desk | Published : Sun, Jan 02, 2022, 12:30 AM
ప్రపంచ దేశాలను ఐక్యమత్యంగా పనిచేస్తేనే కోవిల్ మహమ్మారిని ఎదుర్కోగల మని ప్రపంచ ఆరోగ్య సంస్థ డబ్ల్యూహెచ్వో వెల్లడించింది. దేశాల్లో ఇప్పటికే ఒమిక్రాన్ వేరియంట్ కేసులు విపరీతంగా పెరిగాయ్. అమెరికా, యూకేల్లో ఈ కేసులు లక్షలాది సంఖ్యలో ఉన్నాయి. దీంతో వైరస్ కట్టడి కోసం అన్ని దేశాలు ప్రయత్నిస్తున్నాయి. ఈ నేపథ్యంలో ప్రపంచ ఆరోగ్య సంస్థ డైరక్టర్ జనరల్ టెడ్రోస్ కీలక సూచనలు చేశారు. దేశాల మధ్య అసమానతలు తొలగించి కలసి పనిచేస్తేనే 2022లో కోవిడ్ వైరస్ అంతమవుతుందని అన్నారు. కోవిడ్ నుంచి ఏ దేశం బయటపడలేదని, కొత్త చికిత్స విధానాలతో కట్టడి చేయవచ్చని ఆయన అభిప్రాయపడ్డారు. అయితే దేశాల మధ్య అసమానతలు కొనసాగితే మాత్రం వైరస్ ప్రమాదకరంగా మారుతుందని హెచ్చరించారు. దానికోసం అన్ని దేశాలు కలసికట్టుగా పోరాడాలని అన్నారు. ఈ ఏడాది మధ్య నాటికి ప్రపంచ జనాభాలో 70 శాతం మందికి వ్యాక్సిన్ అందించే లక్ష్యాన్ని సాధించేందుకు అన్ని దేశాలు పనిచేయాలని టెడ్రోస్ పిలుపునిచ్చారు. దీనికోసం దేశాలన్నీ ఐకమత్యంగా పనిచేయాలని సూచించారు.
|
|