ఫోన్ ఆడర్ చేస్తే.. చాక్లెట్ వచ్చింది
international | Suryaa Desk | Published : Sun, Jan 02, 2022, 12:33 AM
ఆన్లైన్లో లావాదేవీలు పెరుగుతున్న ఈ రోజుల్లో అందుకు తగ్గట్టుగా మోసాలు కూడా సాగుతున్నాయి.ఇలాంటి ఘటనే యూకేలో జరిగింది. డేనియల్ కారోల్ అనే వ్యక్తి యాపిల్ ఐఫోన్ 13ను కొనాలనుకున్నాడు. దానికోసం ఆన్లైన్లో ఆర్డర్ పెట్టాడు. దానికోసం రూ.77,772లను చెల్లించాడు. ఆ ఫోన్ కోసం ఎదురుచూశాడు. అయితే రెండు వారాల తర్వాత ఆ డెలివరీ వచ్చింది. ఫోన్ కోసం ప్యాకేజీ ఓపెన్ చేసి చూడగా ఫోన్కు బదులుగా క్యాడ్బరీ వైట్ ఓరియో చాక్లెట్ రెండు బార్లు దర్శనమిచ్చాయి. ఈ పరిణామంతో విస్తుపోయిన కారోల్ సంబంధిత కంపెనీకి ట్వీట్ పెట్టాడు. తన ఆర్డర్ చేసిన ఫోన్ ప్లేస్లో చాక్లెట్లు ఉన్నాయని, పైగా బాక్స్ సీల్ తీసి ఉందనే విషయాన్ని ట్వీట్లో పేర్కొన్నాడు. దీనిపై డెలివరీ కంపెనీకి ఫిర్యాదు చేయనున్నట్టు తెలిపాడు. ఆయన ట్వీట్పై సదరు కొరియర్ సర్వీస్ సంస్థ స్పందించింది. దీనిపై దర్యాప్తు చేస్తున్నామని పేర్కొంది. అంతేకాదు ఐఫోన్కు బదులు చాక్లెట్లు రావడంపై ఇతర నెటిజన్లు స్పందించారు. చాలామంది తమ ఆశ్యర్యాన్ని వ్యక్తం చేశారు. ప్రపంచ వ్యాప్తంగా ఆన్లైన్ షాపింగ్ పెరిగినా.. ఇలాంటి సంఘటనలు అక్కడక్కడ జరుగుతూనే ఉన్నాయి. ఆర్డర్ చేసిన వాటికి భిన్నమైనవి రావడం జరుగుతున్నాయి. చిన్న చిన్న వస్తువుల విషయంలో అయితే ఒకే అనుకుంటాం కానీ.. ఇలా పెద్ద వస్తువులు ఆర్డర్ పెట్టేటప్పుడు కొంచెం ఆలోచించాల్సిందే అని ఇలాంటి ఘటనలు తెలియజేస్తాయి
|
|