టూ సైడ్ లవ్ ఉండాలి

ప్రేమ ఎప్పుడూ రెండు వైపుల ఉండాలని వన్‌సైడ్ లవ్ చేయడం కరెక్ట్ కాదని జనసేనతో టీడీపీ పొత్తుపై నారా చంద్రబాబు నాయుడు చమత్కారించారు. దీంతో అక్కడున్న వారు ఒక్కసారిగా నవ్వారు. కుప్పం పర్యటనలో ఉన్న చంద్రబాబుకు జనసేన, టీడీపీ పొత్తుపై ప్రశ్నించగా ఆయన పై విధంగా స్పందించారు. కుప్పం నియోజకవర్గంలోని రామకుప్పం మండలం వీరనమల తండాలో చంద్రబాబు నాయుడు రోడ్‌షో నిర్వహిస్తుండగా.. వచ్చే ఎన్నికల్లో పవన్ కల్యాణ్‌తో కలిసి పోటీ చేయాలని చంద్రబాబును టీడీపీ కార్యకర్త ఒకరు కోరారు. దీంతో స్పందించిన చంద్రబాబు ప్రేమ ఎప్పుడూ రెండు వైపుల ఉండాలని వన్‌సైడ్ లవ్ చేయడం కరెక్ట్ కాదంటూ చమత్కారంగా సమాధానం చెప్పారు. దీంతో అక్కడున్న వారు ఒక్కసారిగా నవ్వారు. ఇదిలావుండగా  2014 ఎన్నికల్లో జనసేన సపోర్ట్‌తో ఎన్నికల బరిలో దిగిన చంద్రబాబు అధికారం చేపట్టారు. ఆ తర్వాత ఎన్నికల్లో ఇరు పార్టీలు విడివిడిగా పోటీ చేశాయి. మళ్లీ ఎన్నికలు రానున్న నేపథ్యంలో ఇరు పార్టీలో కలిసి పోటీ చేస్తాయా లేదా అనే దానిపై చంద్రబాబు క్లారిటీ ఇచ్చారు. అంతకు ముందు కుప్పం నియోజకవర్గం దేవరాజుపురంలో అడుగుపెట్టిన చంద్రబాబుకు పార్టీ కార్యకర్తలు, అభిమానులు నీరాజనాలు పలికారు. ఈ సందర్భంగా కుప్పంలో పార్టీ పరిస్థితిపై కొంత ఆవేదన చెందిన చంద్రబాబు.. కార్యకర్తల అభీష్టం మేరకు పనిచేస్తానని.. కార్యకర్తలు వద్దన్న నేతలను పార్టీలో ఉంచనని స్పష్టం చేశారు. కుప్పం ఎన్నికల ఫలితాలపై తనను చూసి ఎగతాళి చేసిన సంఘటన తననెంతో బాధించిందన్నారు. కుప్పం ఎన్నికల్లో ఓడిపోయిన చంద్రబాబు నాయుడుని చూడాలని జగన్ అన్నారని.. ఈ సారి అసెంబ్లీలోకి సీఎంగానే అడుగుపెడతానంటూ శపథం చేశారు.