మొక్కను పీకాడని...సహచర బాలుడిని హత్య చేసిన మైనర్
national | Suryaa Desk | Published : Sun, Jan 30, 2022, 02:20 AM
నేరాల ప్రభావం చిన్నపిల్లలపై కూడా చూపుతోంది. ఇటీవల మధ్యప్రదేశ్లో ఓ అనూహ్య ఘటన చోటుచేసుకుంది. ఓ మొక్కను పీకేసినందుకు ఓ బాలుడు.. ఇంకో పిల్లవాడి ప్రాణం తీశాడు. జనవరి 26వ తేదీన బుర్హాన్ పుర్ జిల్లా షేక్పూర్ గ్రామంలో ఈ సంఘటన చోటుచేసుకుంది. గ్రామంలో తన వ్యవసాయ పొలాన్ని పర్యవేక్షిస్తుండగా ఏడేళ్ల బాలుడు ఓ మొక్కను పెకిలించడాన్ని 12 ఏళ్ల బాలుడు చూశాడు. అది చూడగానే కోపంతో రగిలిపోయిన ఆ బాలుడు.. పిల్లవాడిపై దూసుకెళ్లాడు. విపరీతంగా కొట్టాడు. అలా కొట్టి తర్వాత అక్కడ నుంచి వెళ్లిపోయాడు. అయితే ఆ దెబ్బలకు ఏడేళ్ల బాలుడు అపస్మారక స్థితికి వెళ్లిపోయాడు. తర్వాత నిందితుడు వెళ్లి చూడగా అక్కడే పడి ఉండడం, ఆ పిల్లవాడిలో ఏ కదలికలు లేకపోవడాన్ని గమనించాడు. అలా అచేతనంగా పడి ఉన్న పిల్లవాడిని లేపడానికి ప్రయత్నించగా పలితం లేకపోయింది. దాంతో వెంటనే జరిగిన విషయాన్ని తల్లిదండ్రులకు చెప్పాడు. వాళ్లు పోలీసులకు తెలియజేశారు. జరిగిన సంఘటనను వివరించి చెప్పారు. అయితే పోస్ట్మార్టంలో గొంతు నులిమి చంపడం వల్లే చనిపోయిపోనట్టు వైద్యులు నిర్ధరించారు. దాంతో పోలీసులు కేసు నమోదు చేశారు. ఈ ఘటనపై పూర్తిస్థాయిలో విచారణ చేపట్టినట్టు పోలీసులు తెలిపారు. తదుపరి చర్యలు తీసుకుంటున్నామని చెప్పారు. రాష్ట్రంలో ఇలా క్షణికావేశానికి ఓ బాలుడు ప్రాణం పోయింది.
|
|