దళిత బాలికపై గ్యాంగ్ రేప్
national | Suryaa Desk | Published : Sun, Feb 06, 2022, 05:56 PM
చట్టాలు ఎన్ని వచ్చినా కొంత మంది మృగాళ్ల తీరు మారడం లేదు. కఠిన శిక్షలు విధిస్తున్నా మహిళలు, బాలికలపై అఘాయిత్యాలు ఆగడం లేదు. ముఖ్యంగా ఉత్తరప్రదేశ్లో ఈ పరిస్థితి ఘోరంగా ఉంది. తాజాగా అక్కడ ఓ దళిత బాలికపై సామూహిక అత్యాచారం వెలుగులోకి వచ్చింది. దానికి సంబంధించిన వివరాలిలా ఉన్నాయి.
ఉత్తరప్రదేశ్లోని గోండా జిల్లాలో దారుణం జరిగింది. నవాబ్ గంజ్ పోలీస్ స్టేషన్ పరిధిలో దళిత బాలికపై ఇద్దరు దుండగులు అత్యాచారానికి పాల్పడ్డారు. అంతటితో ఆగకుండా ఆమెను అంతమొందించారు. బాలిక మృతదేహాన్ని శనివారం పంటకాలువలో గ్రామస్తులు గుర్తించారు. ఆమె దేహంపై తీవ్రగాయాలను గుర్తించి పోలీసులకు సమాచారమిచ్చారు. సంఘటనా స్థలానికి పోలీసులు హుటాహుటిన చేరుకున్నారు. ఈ క్రమంలో పోలీసులకు కీలక సమాచారం అందింది. స్థానికంగా ఓ చెరుకు తోటలో నిందితులు దాక్కున్నారని తెలిసింది. అక్కడకు వెళ్లిన పోలీసులపై నిందితులు కాల్పులకు తెగబడ్డారు. పోలీసులు కూడా ఫైరింగ్ చేయడంతో నిందితుల్లో ఒకడు మహేష్ యాదవ్ తీవ్రగాయాలతో పట్టుబడ్డాడు. మరో నిందితుడు పరారవడంతో గాలింపు చర్యలు చేపట్టారు.
|
|