ట్రెండింగ్
రవాణా శాఖ స్పెషల్ డ్రైవ్.. నిబంధనలు పాటించకపోతే కేసులే..!
Andhra Pradesh Telugu | Suryaa Desk | Published : Tue, Feb 08, 2022, 01:36 PM
స్పెషల్ డ్రైవ్ లో భాగంగా బుచ్చిరెడ్డిపాలెం లో రవాణాశాఖ అధికారులు వాహన తనిఖీలు చేపట్టారు. స్థానిక టోల్ ప్లాజా వద్ద రవాణా శాఖ అధికారి రామచంద్రరావు సిబ్బందితో కలిసి వాహనాలు తనిఖీ చేశారు. ఓవర్ లోడ్ తో పాటు ధ్రువీకరణ పత్రాలు సరిగా లేని వాహనాలను సిజ్ చేసి జరిమానాలు విధించారు. ఈ సందర్భంగా రామచంద్రరావు మాట్లాడుతూ జిల్లాలో మార్చి 31 వరకూ స్పెషల్ డ్రైవ్ కొనసాగుతుందని పేర్కొన్నారు. వాహనదారులు తప్పనిసరిగా సరైన ధ్రువీకరణ పత్రాలు కలిగి ఉండడంతో పాటు ట్రాఫిక్ నిబంధనలు పాటించాలని సూచించారు. లేనిపక్షంలో కేసులు నమోదు చేసి జరిమానాలు విధిస్తామని ఆయన హెచ్చరించారు.
|
|