పెళ్లిలో బిడ్డను కన్న పెళ్లికూతురు.. అందరూ షాక్

వివాహ ముహుర్తానికి మరికొన్ని గంటలే సమయం ఉంది. శుభకార్యం చూడటానికి సన్నిహితులు, బంధుమిత్రులు వచ్చారు. అబ్బాయి తరపు బంధువులు, అమ్మాయి కుటుంబ సభ్యులు ఎంతో సంతోషంతో సాంప్రదాయ నృత్యాలు చేస్తూ పెళ్లి వేడుకను సందడిగా మార్చేశారు. ఇంతలోనే పెళ్లి కూతురుకి కడుపునొప్పి వచ్చింది. పెళ్లి పీటల మీద కూర్చలేనంతగా నొప్పితో బాధపడిపోతుండటంతో వెంటనే పెళ్లి తంతుని అర్దాంతరంగా నిలిపివేశారు. ఈఘటన ఛత్తీస్‌గఢ్‌ రాష్ట్రం బడేరాజ్‌పూర్‌ జిల్లాలోని బాన్స్‌కోట్‌ లోని ఓ గ్రామంలో జరిగింది. భరించలేని కడుపునొప్పితో బాధపడుతున్న పెళ్లికూతుర్ని ఆమె కుటుంబ సభ్యులు, పెళ్లి కొడుకు తరపు బంధువులు స్థానికంగా ఉన్న ప్రాథమిక ఆరోగ్య కేంద్రానికి తీసుకెళ్లారు. అక్కడ వైద్యులు పెళ్లి కూతుర్ని పరిశీలించి వైద్య పరీక్షల కోసం లోపలికి తీసుకెళ్లడంతో ఆమె అక్కడ పండంటి బిడ్డకు జన్మనిచ్చింది. విషయం తెలిసిన డాక్టర్లు, పెళ్లికూతురు కుటుంబ సభ్యులు ఒక్కసారిగా షాక్‌కి గురయ్యారు.

పెళ్లి పీటల మీద తల్లైన యువతి పేరు షీఫ్‌బట్టీ మందాని ఒడిషాలోని కేట్‌గిరి జిల్లా నవరంగ్‌పూర్‌ నివాసి. గతేడాది శ్రీకృష్ణాష్టమి రోజు బాన్స్‌కోట్‌కి చెందిన చందన్‌నేతన్‌ అనే వ్యక్తితో పరిచయం ఏర్పడింది. వీళ్లిద్దరు గతేడాది అగస్ట్‌ నుంచి ఒకరినొకరు ఇష్టపడ్డారు. పెళ్లి చేసుకోకుండా ఇద్దరూ శారీరకంగా పలుమార్లు కలుకున్నారు. ఇదంతా జరిగిన ఆరు నెలలకు పెద్దలకు తెలియడంతో పెళ్లికి ముహుర్తం పెట్టారు. అందరి సమక్షంలో పెళ్లి చేద్దామనుకున్న సమయంలో పెళ్లికూతురు బిడ్డకు జన్మనిచ్చింది. పెళ్లికి వచ్చిన సన్నిహితులు, బంధువులకు ఈవిషయం ఆలస్యంగా తెలవడంతో కళ్లు తేలేశారు. పెళ్లికూతురుగా ఉన్న యువతి గర్బిణి అని..పెళ్లికి ముందే తొందరపడి గర్భవతి అయిందన్న విషయం తెలిసిపోవడంతో అంతా ముక్కున వేలేసుకున్నారు. ప్రస్తుతం తల్లిగా మారిన పెళ్లికూతురు షీప్‌భట్టి మందాని ఆమె కన్న పసిబిడ్డ ఆరోగ్యంగా ఉన్నారని డాక్టర్లు తెలిపారు. అతి త్వరలోనే బిడ్డ తల్లికి పెళ్లి చేస్తామని మందాని కుటుంబ సభ్యులు తెలిపారు. ఊళ్లో జనం మాత్రం ఇలాంటి విడ్డూరం మేం ఎప్పుడూ చూడలేదేని కామెంట్స్ చేస్తున్నారు.