బార్లీ గింజలతో ఈ సమస్యలకు చెక్
national | Suryaa Desk | Published : Thu, Feb 10, 2022, 01:02 PM
శారీరకంగా అలసిపోవడం, మానసిక ఒత్తిడికి గురికావడం వంటి సమస్యలకు బార్లీ గింజలతో చెక్ పెట్టొచ్చు. అదెలాగో ఇప్పుడు తెలుసుకుందాం.
- బార్లీ గింజలలో శరీరానికి అవసరమైన పోషకాలు, విటమిన్లు, ఖనిజాలు పుష్కలంగా ఉంటాయి.
- ఉడికించిన బార్లీ గింజల్లో కొంచెం నిమ్మరసం, దానిమ్మ గింజలు, నానబెట్టిన పెసలు కలిపి తినాలి. క్రమం తప్పకుండా బార్లీని ఆహారంలో భాగం చేసుకుంటే చర్మం కాంతివంతంగా మారుతుంది.
- బార్లీ గింజల్లో దొరికే క్యాల్షియం, కాపర్, మెగ్నీషియం, జింక్ వంటి ఖనిజాలు ఎముకలను దృఢంగా ఉంచుతాయి. పీచు కూడా ఎక్కువగా ఉంటుంది. ఇందు వల్ల ఆహారం తేలిగ్గా జీర్ణం అవుతుంది.
- బార్లీ జావ ఆకలిని పెంచుతుంది. ఊబకాయాన్ని తగ్గిస్తుంది. మధుమేహం, హృద్రోగాలు, కొన్ని రకాల క్యాన్సర్లను నివారిస్తుంది. మూత్రపిండాల్లో రాళ్లు ఏర్పడకుండా కాపాడుతుంది. ఇందులో ఉన్న బీటా గ్లూకాన్స్ కొలెస్ట్రాల్ స్థాయిని నియంత్రిస్తాయి.
- అరకప్పు బార్లీ గింజలను 6 కప్పుల నీళ్లతో ఉడికించి వడకట్టి తాగితే కిడ్నీ సమస్యలతో పాటు ఇతర అనారోగ్యాలూ దరిచేరవు.
|
|