ట్రెండింగ్
హిజాబ్ అంశంపై అత్యవసర విచారణకు సుప్రీంకోర్టు నిరాకరణ
national | Suryaa Desk | Published : Fri, Feb 11, 2022, 02:44 PM
హిజాబ్ అంశంపై అత్యవసర విచారణకు సుప్రీంకోర్టు నిరాకరించింది. కర్ణాటకలో హిజాబ్ వివాదం కలకలం సృష్టిస్తున్న విషయం తెలిసిందే. హైకోర్టు నుంచి తుది తీర్పు వచ్చే వరకు విద్యాసంస్థల్లో మతపరమైన దుస్తులు ధరించవద్దని గురువారం కర్ణాటక హైకోర్టు ఆదేశాలు జారీ చేసింది. కర్ణాటక హైకోర్టు మధ్యంతర ఉత్తర్వులను సవాల్ చేస్తూ సుప్రీంకోర్టులో పిటిషన్ దాఖలైంది. అయితే ఈ అంశంపై తక్షణ విచారణకు సుప్రీంకోర్టు ధర్మాసనం నిరాకరించింది. జాతీయ స్థాయిలో ఈ అంశాన్ని వివాదం చేయొద్దని, సరైన సమయంలో జోక్యం చేసుకుంటామని చీఫ్ జస్టిస్ ఎన్వీ రమణ తెలిపారు.
|
|