ట్విట్టర్ యూజర్లకు షాక్
national | Suryaa Desk | Published : Sat, Feb 12, 2022, 08:24 AM
ప్రముఖ సామాజిక మాధ్యమం ట్విట్టర్ సేవలకు శుక్రవారం రాత్రి అంతరాయం ఏర్పడింది. భారత్ సహా పలు దేశాల్లో దాదాపు గంట పాటు ట్విట్టర్ సేవలు నిలిచిపోయయి. ట్విట్టర్లో పోస్టింగ్ చేసేందుకు, సెర్చింగ్ చేయడానికి ఖాతాదారులు ఇబ్బందులు పడ్డారు. ప్రపంచవ్యాప్తంగా భారీ ఎత్తున యూజర్లు సంస్థకు ఈ సమస్యపై ఫిర్యాదు చేశారు. ఈ సమస్య రాత్రి 10.30 గంటలకు ప్రారంభమై గంట పాటు వేధించిందని డౌన్ డిటెక్టర్ అనే వెబ్సైట్ వివరించింది. ప్రపంచవ్యాప్తంగా యూజర్ల నుంచి ఫిర్యాదులు రావడంతో ట్విట్టర్ సంస్థ స్పందించింది. సమస్యను పరిష్కరించామంటూ 11.44 గంటలకు సంస్థ నుంచి ట్వీట్ వచ్చింది. సమస్యకు టెక్నికల్ బగ్ కారణంగా సేవలలో అంతరాయం ఏర్పడిందని, క్షమించాలని యూజర్లను కోరింది. ట్విట్టర్ సేవలు పున:ప్రారంభమయ్యాక కూడా యూజర్లు ఈ సమస్యపై వదిలిపెట్టలేదు. 'ట్విట్టర్ డౌన్' అనే హ్యాష్ట్యాగ్ను నెటిజన్లు వైరల్ చేశారు.
|
|