మైనర్ గర్ల్ మీద మానభంగ ప్రయత్నం
Andhra Pradesh Telugu | Suryaa Desk | Published : Mon, Oct 09, 2017, 11:52 AM
ప్రభుత్వాలు బాలికల సంరక్షణ కోసం ఎన్ని కఠిన చట్టాలు తీసుకొచ్చినా కామాందులకు మాత్రం అవేవీ పట్టడం లేదు.లైగింక వాఛతో కళ్లు మూసుకున్న కామాందులు ముక్కు పచ్చలారని ఓ చిన్నారులపై అఘాయిత్యాలకు పాల్పడుతున్నారు.అబంసుభం తెలియని ఓ చిన్నారిపై కామాందుడు పంజా విసిరాడు.అన్న వరుసయ్యే వ్యక్తే అఘాయిత్యా నికి యత్నించిన ఘటన కనిగిరి పట్టణంలో రాత్రి చోటుచేసుకుంది. పట్టణంలోని కాశిరెడ్డినగర్ కు చెందిన ఓ ఎనిమిది సంవత్సరాల చిన్నారి స్థానికంగా ఉన్న ఓ పాఠశాలలో నాలుగో తరగతి చదువుతోంది. బాలికకు రావూరి నర్సయ్య అనే ముప్ఫై సంవత్సరాల వ్యక్తి అన్న వరుస అవుతాడు.
బాలిక ఇంటి వద్ద ఉన్న సమయంలో నర్సయ్య అక్కడికి వచ్చి ఆమెకు తినుబండారాలు కొనిచ్చాడు. అనంతరం మరో రూ. 10 ఇచ్చి మిఠాయి కొనుక్కోమని చెప్పాడు. ఈ సమయంలో ఆ చిన్నారిని సమీపంలోని ఓ స్నానాల గదిలోకి తీసుకెళ్లాడు. అక్కడ వివస్త్రను చేసి అఘాయిత్యానికి పాల్పడేందుకు ప్రయత్నించాడు. ఈ సమయంలో బాలిక పెద్దగా కేకలు వేయడంతో చుట్టుపక్కల ఉన్న వారు అక్కడికి వచ్చారు. దీంతో నర్సయ్య సంఘటనా స్థలం నుంచి పరారయ్యాడు. బాలిక తల్లిదండ్రులు విషయాన్ని ఐసీడీఎస్ అధికారుల దృష్టికి తీసుకెళ్లారు. వారి సాయంతో పోలీస్ స్టేషన్లో నర్సయ్యపై ఫిర్యాదు చేశారు. కేసు నమోదు చేసి దర్యాప్తు చేపట్టిన పోలీసులు కాశిరెడ్డినగర్లోని ఓ ఇంటిలో దాగి ఉన్న నర్సయ్యను అదుపులోకి తీసుకుని అరెస్టు చేశారు.
|
|