బ్యాంక్ ఖాతాదారులకు అలర్ట్.. రేపటి నుంచి ఆ రూల్స్ మార్పు
national | Suryaa Desk | Published : Thu, Mar 31, 2022, 12:22 PM
బ్యాంక్ ఖాతాదారులకు ముఖ్యమైన వార్త. ప్రతి యేటా నిత్య జీవితంలో వివిధ పనులకు సంబంధించి నిబంధనలు మారుతుంటాయి. ఇవాళ్టితో మార్చ్ నెల ముగుస్తోంది. కొత్త ఆర్ధిక సంవత్సరం ప్రారంభం కానున్న నేపథ్యంలో మారుతున్న నిబంధనలేంటనేది ఓ సారి తెలుసుకుందాం. ఏప్రిల్ 1 నుంచి కొత్త ఆర్దిక సంవత్సరం ప్రారంభం కానుండటంతో బ్యాంకింగ్ రంగంలో కొత్త మార్పులు వస్తున్నాయి. ముఖ్యంగా ఆదాయపు పన్ను, వస్తు, సేవల పన్ను విషయాల్లో పలు మార్పులు జరగనున్నాయి.
యాక్సిస్ బ్యాంక్ నగదు లావాదేవీలు.. బ్యాంక్లో పే, సేవింగ్స్ ఖాతాలు ఉన్న ఖాతాదారులకు సగటు కనీస నిల్వ నిబంధనలను మారుస్తోంది. సేవింగ్స్ ఖాతాల సగటు నెలవారీ బ్యాలెన్స్ పరిమితిని బ్యాంక్ రూ.10,000 నుంచి రూ.12,000కి పెంచింది.
చెక్కు చెల్లింపు నిబంధనలలో పెను మార్పులు చేయాలని పంజాబ్ నేషనల్ బ్యాంక్ నిర్ణయించింది. PNB ఏప్రిల్ 4, 2022 నుంచి పాజిటివ్ పే సిస్టమ్ (PPS)ని అమలు చేయబోతోంది. చెక్కును చెల్లించే ముందు కస్టమర్లు తప్పనిసరిగా ధృవీకరించాలి. ధృవీకరించబడని పక్షంలో, బ్యాంక్ ఇప్పుడు చెక్కును తిరిగి ఇస్తుంది. పెరుగుతున్న మోసాల కేసుల దృష్ట్యా బ్యాంకు ఈ నిర్ణయం తీసుకుంది.
బ్యాంక్ వెబ్సైట్లో ప్రచురించిన వార్తల ప్రకారం, ఏప్రిల్ 4, 2022 నుంచి, చెక్ చెల్లింపులు చేయడానికి బ్యాంక్ సానుకూల చెల్లింపు విధానాన్ని ప్రవేశపెట్టింది. ఈ సిస్టమ్ ద్వారా రూ. 10 లక్షల చెక్కును జారీ చేసిన తర్వాత ఇప్పుడు డిజిటల్ లేదా బ్రాంచ్ వెరిఫికేషన్ అవసరం.
|
|