అర్ధరాత్రి ముగ్గురు యువకులకు పాముకాటు
Andhra Pradesh Telugu | Suryaa Desk | Published : Fri, Apr 01, 2022, 04:07 PM
బొబ్బిలి పట్టణంలోని ఓంకార్ థియేటర్ సమీపంలో బుధవారం అర్ధరాత్రి ముగ్గురు యువకులను పాముకాటు వేసింది. విద్యుత్ సరఫరా నిలిచిపోవడంతో గాలికోసం ఆరుబయట ఉన్న డి.రమేష్, పి.రమేష్, వై.పరశురామ్ను పాముకాటు వేయ డంతో వారంతా చికిత్స కోసం స్థానిక సీహెచ్సీలో చేరారు. అయితే ఆ సమయంలో ఆసుపత్రిలో విద్యుత్ సరఫరా లేక పోవడంతో సెల్ఫోన్ కాంతిలో సిబ్బందికి వారికి చికిత్స అందజేశారు. విష రహి త సర్పం కావడంతో అదృష్టవశాత్తు వారు ప్రమాదం నుంచి బయటపడ్డారు.
పాము కాటేసిందేమోనన్న అనుమానంతో 14 ఏళ్ల భానుప్రకాశ్ అనే బాలుడు కూడా చేరడంతో చికిత్స చేసి పంపించామని వైద్యాధికారి జి.శశిభూ షణరావు తెలిపారు. ఆసుపత్రిలో ఇన్వెర్టర్లు ఉన్నప్పటికీ పూర్తిస్థాయిలో లైట్లు వినియోగిం చుకునేందుకు వాటి సామర్థ్యం సరిపడదన్నారు. ఆసుపత్రికి కావల్సిన వసతులు, సౌకర్యాల కోసం ఎమ్మెల్యే ద్వారా ప్రభుత్వాన్ని కోరినట్లు ఆయన తెలిపారు.
|
|