మంత్రి పదవి వస్తుందని కలలో కూడా అనుకోలేదు
Andhra Pradesh Telugu | Suryaa Desk | Published : Fri, Apr 08, 2022, 01:01 PM
ఆంధ్ర ప్రదేశ్ రాష్ట్రంలో మంత్రుల రాజీనామా ప్రక్రియ నిన్న అనగా గురువారం ముగిసిన సంగతి తెలిసిందే. ఈ సందర్భంగా రాజీనామా చేసిన మంత్రులు మాట్లాడుతూ.. 'మంత్రులందరూ రాజీనామాలు చేశాం. మరికొందరికి మంత్రులుగా అవకాశం లభిస్తుంది. ఇక పార్టీ కోసం పనిచేసే గొప్ప అవకాశాన్ని సీఎం మాకు కల్పిస్తున్నారు. ఇదో గొప్ప అరుదైన క్షణమని' మంత్రి సీదిరి అప్పలరాజు అన్నారు.
అలానే నేను చాలా అదృష్టవంతుడిని. పేద కుటుంబంలో పుట్టా. మంత్రి పదవి వస్తుందని కలలో కూడా అనుకోలేదు. ఎక్సైజ్ శాఖ మంత్రిగా సమర్థంగా పనిచేశాను. ఓటర్లంతా జగన్ వైపు ఉన్నారు. కోటీశ్వరులు అంతా టీడీపీ వెంట ఉన్నారు. బలమైన నాయకుడు జగన్ని ఎదుర్కొనేందుకు పవన్ కల్యాణ్, చంద్రబాబు వంటి బలహీనులంతా ఏకమవుతున్నారు అని ఎక్సైజ్ శాఖ మంత్రి నారాయణ స్వామి తెలిపారు.
ఇక స్త్రీ, శిశు సంక్షేమ శాఖ మంత్రి , తానేటి వనిత మాట్లాడుతూ... మాకు అప్పగించిన బాధ్యతలను సమర్థంగా నిర్వర్తించాం. ఇకపై సీఎం ఏ బాధ్యతలు అప్పగించినా చేయడానికి సిద్ధం. అవసరం మేరకు కొందరికి కేబినెట్ హోదాలో ప్రాంతీయ బాధ్యతలు అప్పగిస్తామని చెప్పారు. ఎవరికి ఏ బాధ్యతలు ఇస్తారనేది రెండు మూడు రోజుల్లో తెలుస్తుంది అని తెలియచేసారు.
|
|