గుజరాత్ లో కలకలం...ఎస్ఈ వేరియట్ కేసు నమోదు

గజరాత్ లో కలకలం రేగుతోంది. గుజరాత్‌లో కొత్తరకం వేరియంట్ XE కేసు నమోదయినట్టు అధికార వర్గాలు వెల్లడించాయి. ఇప్పటికే XM వేరియంట్ కేసు ఆ రాష్ట్రంలో నమోదయినట్టు పేర్కొన్నారు. అయితే, ఇద్దరు రోగులకు సంబంధించిన పూర్తి వివరాలను మాత్రం వెల్లడించలేదు. రెండు రోజుల కిందట ముంబయిలో XE వేరియంట్ కేసు నమోదయినట్టు మహారాష్ట్ర ప్రభుత్వం ప్రకటించింది. కానీ, దీనిని కేంద్ర ఆరోగ్య శాఖ తోసిపుచ్చింది. దక్షిణాఫ్రికా నుంచి వచ్చిన ఆమెలో గుర్తించిన వేరియంట్‌తో ఎక్స్‌ఈ జన్యువులకు సంబంధం లేదని పేర్కొంది. ‘‘గుజరాత్ నుంచి నమూనాలను నేషనల్ సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (NCDC)కి పంపాం.. జీనోమ్ స్వీక్వెన్స్‌లో ఇది ముంబయిలో గుర్తించి వేరియంట్ కంటే XEతో సరిపోలుతోంది’’ అని పేరు వెల్లడించడానికి ఓ అధికారి అన్నారు. గుజరాత్‌ బయోటెక్నాలజీ రిసెర్చ్ సెంటర్ (GBRC)లోని లోని INSACOG ల్యాబొరేటరీ ఈ వేరియంట్‌ను ధ్రువీకరించినట్టు నివేదికలు అందుతున్నాయి. ఈ అంశంపై ల్యాబొరేటరీ హెడ్ మాధవి జోషిని సంప్రదించగా.. వ్యాఖ్యానించడానికి ఆమె నిరాకరించారు.

XE పాజిటివ్ వచ్చిన వ్యక్తి గురించి అదనపు వివరాలను వెల్లడించడానికి అధికారులు నిరాకరించారు. అయితే, సదరు వ్యక్తి మార్చి 13న కొవిడ్‌ బారిన పడగా.. వారానికి కోలుకున్నట్లు సమాచారం. కానీ, జీనోమ్‌ సీక్వెన్సింగ్‌లో ఎక్స్‌ఈ వేరియంట్‌ సోకినట్లు అనుమానించడంతో తదుపరి విశ్లేషణ నిమిత్తం ఎన్‌సీడీసీకి పంపినట్లు అధికారిక వర్గాలు తెలిపాయి. గత రెండేళ్లుగా కరోనా మహమ్మారి అనేక జన్యు మార్పులకు గురై కొత్త రూపాలలో దాడిచేస్తోంది. చాలా అరుదైన సందర్భాల్లో రెండు వేర్వేరు జన్యువులు ఒకే కణంలోకి సోకినప్పుడు రీ-కాంబినేషన్ వేరియంట్లు ఏర్పడతాయి. ఇది రెండింటిలో ఉన్న ఉత్పరివర్తనాలను కలిగి ఉంటుంది. XE వేరియంట్ కూడా అటువంటిందే. ఒమిక్రాన్ వేరియంట్ ఉపవర్గాలైన BA.1, BA.2తో కలిసి ఏర్పడింది.

ఈ వేరియంట్‌లోని 600 వరకూ స్వీక్వెన్సులు ఉన్నట్టు ప్రపంచ ఆరోగ్య సంస్థ (డబ్ల్యూహెచ్ఓ) పేర్కొంది. ఒమిక్రాన్ కంటే ఇది 10 రెట్ల వేగంతో వ్యాప్తించెందుతున్న నివేదికలతో ఆందోళన వ్యక్తమవుతోంది. ఇప్పటివరకు మూడు హైబ్రిడ్ లేదా రీకాంబినెంట్ వేరియంట్‌లను గుర్తించారు. XD, XE, XF కాగా.. XD, XF డెల్టా, ఓమిక్రాన్‌తో.. ఒమిక్రాన్ ఉపవర్గాలతో XE ఏర్పడింది. యునైటెడ్ కింగ్‌డమ్‌లో జనవరి 19న మొట్టమొదటిసారి ఈ వేరియంట్‌ను గుర్తించారు.