పాలకూర వల్ల కలిగే ఆరోగ్యప్రయోజనాలు...
Health beauty | Suryaa Desk | Published : Mon, Apr 11, 2022, 09:27 PM
పాలకూర.. ఆకుకూరల్లో ఒకటైన దీనిని తినడం వల్ల ఎన్నో ఆరోగ్య ప్రయోజనాలు కలుగుతాయి. ఆరోగ్యకరమైన జీవితానికి ఆరోగ్యకరమైన ఆహారం తప్పనిసరి. ఆరోగ్యకరమైన ఆహారం అంటే ముందుగా గుర్తొచ్చేది ఆకుకూరలే. వాటిలో ఒకటి పాలకూర. ఇందులో ఎక్కువగా యాంటీ ఆక్సిడెంట్స్, విటమిన్స్ ఉంటాయి. ఇవి శరీరానికి మేలు చేస్తాయి. ఇది శరీర ఉష్ణోగ్రతను క్రమబద్దీకరించంలో మేలు చేస్తుంది. పాలకూరలో ఫైబర్ కంటెంట్ ఎక్కువగా ఉంటుంది. దీనిని తినడం వల్ల జీర్ణ సమస్యలు దూరం అవుతాయి. పాలకూరలో పొటాషియం కండరాలను బలపరుస్తుంది. కండరాల సమస్యలతో బాధపడేవారు పాలకూరని తినడం మంచిది. ఇంకా పాలకూర తినడం వల్ల కలిగే ఆరోగ్య ప్రయోజనాలను తెలుసుందాం...
--బీటా-కరోటిన్, లుటీన్ వనరులు పాలకూరలో పుష్కలంగా దొరుకుతాయి. ఇవి కంటిచూపును మెరుగుపరచడంలో ఎంతో సహాయం చేస్తాయి. అందుకే పాలకూరను తరచూ తింటే కంటి సమస్యలుండవు.
--ఇందులో కేలరీలు చాలా తక్కువగా ఉంటాయి. అందుకే బరువు తగ్గాలనుకునేవారికి పాలకూర మంచి ఆహరం.
-- పాలకూర చర్మాన్ని కాంతివంతంగా చేయటంలో సహాయం చేస్తుంది.
--పాలకూర ఎముకలను పటిష్టంగా ఉంచుతుంది.
|
|