చెమటకాయలకు చెక్ పెట్టండిలా...
Health beauty | Suryaa Desk | Published : Mon, Apr 11, 2022, 09:30 PM
వేసవికాలం వచ్చిందటే చాలు భాగ భాగ మండే ఎండలు, తీరని దాహం, విసిగించే చెమట... ఇంకా చెమటకాయలు ఇలా ఎంతో విసుగ్గా ఉంటుంది. చెమటకాయల కారణంగా దురద, మంట పుట్టి ఎంతో చికాకుగా ఉంటుంది. నుదుటిపై, ముఖం, మెడ, వీపు, ఛాతీ, తొడల మీద చెమట కాయలు ఎక్కువగా వస్తుంటాయి. వీటి తీవ్రత ఎక్కువైతే చర్మం ఎర్రపొక్కులుగా మారటం, గోకటం వల్ల చర్మం చిట్లి రక్తం కారడం జరుగుతుంది. అయితే ఇలాంటి ఇబ్బందుల నుండి కొన్ని చిట్కాల సహాయంతో బయటపడవచ్చు. అవేంటో చూద్దామా...
--చెమటకాయల సమస్య ఉన్నవారు వేసవిలో వదులుగా ఉండే బట్టలను ధరిస్తే చాలా సౌకర్యంగా ఉంటుంది. వీటితో శరీరానికి గాలి బాగా తగిలి బాడీ కూల్ అవుతుంది.
--వేసవిలో గోరు వెచ్చని నీటితో రోజుకు రెండుపూటలా స్నానం చెయ్యాలి. అలాగే బయట నుండి వచ్చిన వెంటనే స్నానం చేయకుంటేనే మంచిది.
--శరీరాన్ని హైడ్రేట్ గా ఉంచుకోవాలి. ఇందుకోసం ద్రవ పదార్థాలను ఎక్కువగా తీసుకోవాలి. మజ్జిగ, పండ్ల రసాలు, సబ్జా వాటర్ లాంటివన్నమాట.
--వేసవిలో విరివిగా దొరికే తాటి ముంజెలలోని నీటిని చెమట కాయలపై రాస్తే చక్కని ఫలితం ఉంటుంది.
--చెమట కాయలు ఉన్న ప్రదేశంలో చల్లని పెరుగుని రాసి కొంచెం సేపుంచి కడిగేయ్యాలి. పెరుగులోని యాంటీ బ్యాక్టీరియల్, యాంటీ ఫంగల్ గుణాలు చమట కాయలను త్వరగా తగ్గిస్తాయి.
--బియ్యం కడిగిన నీటిని చెమటకాయలున్న చోట రాస్తే కూడా చాలా ప్రయోజనం ఉంటుంది.
|
|