తాడిపత్రి పోలీస్ సబ్ డివిజన్ లో కార్డన్ సెర్చ్ ఆపరేషన్లు
Andhra Pradesh Telugu | Suryaa Desk | Published : Wed, Apr 13, 2022, 09:17 AM
జిల్లా ఎస్పీ డాక్టర్ పక్కీరప్ప ఆదేశాల మేరకు తాడిపత్రి సబ్ డివిజన్ పరిధిలోని పలు గ్రామాలలో పోలీసులు కార్డెన్ సెర్చ్ ఆపరేషన్లు నిర్వహించారు.
పుట్లూరు, పెద్దవడుగురు మండలాల్లో పోలీసులు రౌడీలు, పాత ఎక్సైజ్ కేసుల్లోని నిందితులు, అనుమానితుల ఇళ్లల్లో క్షుణ్ణంగా తనిఖీలు చేశారు.
గ్రామాల్లో విజబుల్ పోలీసింగ్ గ్రామసభ నిర్వహించారు. చట్ట వ్యతిరేక కార్యకలాపాల జోలికెళ్లకుండా ప్రశాంతంగా జీవించాలని సూచించారు. దిశ యాప్, రోడ్డు ప్రమాదాలు, సీసీ కెమెరాల ఏర్పాటు ప్రాముఖ్యత గురించి అవగాహన కల్పించారు.
ఇందులో భాగంగా పుట్లూరు మండలం కడవకల్లు గ్రామంలో తాడిపత్రి పట్టణ, తాడిపత్రి రూరల్ (అప్ గ్రేడ్-పోలీస్ స్టేషన్) తాడిపత్రి రూరల్ సి. ఐలు కృష్ణారెడ్డి, చిన్నపెద్దయ్య, మల్లికార్జున గుప్తల ఆధ్వర్యంలో కార్డెన్ సెర్చ్ నిర్వహించారు.
అలాగే పెద్దవడుగూరు మండలం కిష్టపాడు గ్రామంలో పామిడి రూరల్ సి. ఐ రామకృష్ణ ఎస్సైలు రాజశేఖర్ రెడ్డి వెంకటేశ్వర్లు ఆధ్వర్యంలో పోలీసులు రౌడీలు, పాత ఎక్సైజ్ కేసుల్లోని నిందితులు అనుమానితుల ఇళ్లల్లో క్షుణ్ణంగా తనిఖీలు చేశారు. ఎలాంటి రికార్డులు లేని 13 ద్విచక్ర వాహనాలు సీజ్ చేశారు.
|
|