ట్రెండింగ్
కీలక ప్రకటన చేసిన రష్యా మీడియా
international | Suryaa Desk | Published : Fri, Apr 15, 2022, 08:32 PM
ఉక్రెయిన్-రష్యా మధ్య ఉద్రిక్తతలు ఇప్పట్లో చల్లారేలా లేవు. తాజాగా రష్యా మీడియా అత్యుత్సాహంతో ఓ ప్రకటన చేసింది. మూడో ప్రపంచ యుద్ధం ఇప్పటికే మొదలైనట్లు ప్రకటించేసింది. ఇటీవల రష్యాకు చెందిన మాస్కోవా అనే యుద్ధ నౌక అగ్నిప్రమాదానికి గురైనట్లు రష్యా సైనికాధికారులు ప్రకటించారు.
అయితే దానిని తామే కూల్చేసినట్లు ఉక్రెయిన్ ప్రకటించింది. దీనిపై రష్యా ప్రభుత్వ ఛానెల్‌ ‘రష్యా 1’లో ఇటీవల డిబేట్ నిర్వహించారు. ఇందులో ఛానెల్‌ ప్రజెంటర్‌ ఒల్గా స్కాబెవెయా అధికారంగా మూడో ప్రపంచ యుద్ధం అంటూ సంచలన ప్రకటన చేశారు. నాటోకు వ్యతిరేకంగా రష్యా పోరాడుతోందని, అధికారికంగా ప్రకటించకపోయినా మూడో ప్రపంచ యుద్ధం ప్రారంభమైందని ఆమె ఆవేశంగా వ్యాఖ్యానించారు. దీనికి సంబంధించి ఓ వీడియో ప్రస్తుతం సోషల్ మీడియాలో చక్కర్లు కొడుతోంది.
|
|