చంపడానికైనా.. చావడానికైనా సిద్ధం: బుద్ధా వెంకన్న
Andhra Pradesh Telugu | Suryaa Desk | Published : Wed, Apr 20, 2022, 01:01 PM
టీడీపీ నేత బుద్ధా వెంకన్న కీలక వ్యాఖ్యలు చేశారు. చంద్రబాబు కుటుంబం జోలికి వస్తే చంపడానికైనా, అవసరమైతే చావడానికైనా సిద్ధమని చెప్పారు. అంతేకాకుండా 100 మందితో సూసైడ్ బృందం దేనికైనా సిద్ధంగా ఉందని వెల్లడించారు. చంద్రబాబు కుటుంబం జోలికి వస్తే ఎంతకైనా తెగిస్తామని స్పష్టం చేశారు. వైసీపీ నేతలు నోరు అదుపులో పెట్టుకోవాలని, పిచ్చి వేషాలు వేయొద్దని హెచ్చరించారు. చంద్రబాబుపై చెత్త వాగుడు వాగే వారికి ఇదే తమ హెచ్చరిక అని చెప్పారు.
చంద్రబాబును తిడితే, టీడీపీ కార్యాలయాలపై దాడులు చేస్తే మంత్రి పదవులు వస్తాయని ఆలోచనల్లో వైసీపీ నేతలు ఉన్నారన్నారు. అటువంటి చర్యలను తిప్పికొడతామన్నారు. బుద్ధా వెంకన్న చేసిన వ్యాఖ్యలు ఏపీ రాజకీయాల్లో చర్చనీయాంశంగా మారాయి. చంద్రబాబు జన్మదినం సందర్భంగా అధిష్టానం దృష్టిని ఆకర్షించేందుకే ఇలాంటి వ్యాఖ్యలు చేశారని కొందరు పేర్కొంటున్నారు. మరోవైపు అధిష్టానం పట్ల తన నిబద్ధతను చాటుకునేలా ఆయన మాటలు ఉన్నాయని మరికొందరు సమర్ధిస్తున్నారు. కాగా వైసీపీ నేతలు కూడా ధీటుగా బదులిస్తున్నారు. టీడీపీకి ప్రజలు గత ఎన్నికల్లో ఎలాంటి తీర్పు ఇచ్చారో గుర్తు చేసుకోవాలని, ఉనికి చాటుకునేందుకే ఇటువంటి వ్యాఖ్యలు టీడీపీ వారు చేస్తున్నారని విమర్శిస్తున్నారు.
|
|