ఆరోగ్య చిట్కాలు...
Health beauty | Suryaa Desk | Published : Wed, Apr 20, 2022, 09:55 PM
---సాధారణంగా మనం తలకింద దిండు పెట్టుకుని నిద్ర పోతుంటాం. చాలామందికి దిండు లేకపోతే నిద్ర కూడా పట్టదు. మరికొందరైతే రెండు దిండ్లు వేసుకుని కూడా పడుకుంటారు. అయితే దిండును వేసుకోకుండా పడుకుంటేనే ఆరోగ్యానికి మంచిదట. తలగడ లేకుండా పడుకోవటం వల్ల నడుము నొప్పి తగ్గటంతో పాటు వెన్నుపూసను కూడా బలంగా ఉంచుతుందట. మెత్తగా ఉండే దిండు ను వాడటం వల్ల మీద నరాలు ఒత్తిడికి గురయ్యి, తలకు రక్తాన్ని సరఫరా చెయ్యటంలో విఫలమవుతాయట. ఇంకెందుకు ఆలస్యం... ఇన్ని విషయాలను తెలుసుకున్నారు కాబట్టి ఇక నుండి దిండు లేకుండా నిద్రపొండి.
---రాత్రి పూట ఏ పనీ చెయ్యకుండా మనం నిద్ర పోయినా మన శరీరంలోని అవయవాలు పని చేస్తూనే ఉంటాయి. రాత్రి సమయంలో మన బాడీ తనకు తానుగా రిపేర్ చేసుకుంటుంది. ఈ క్రమంలో శరీరంలో పేరుకున్న చెడు వ్యర్థ పదార్థాలన్నిటిని ఏరి పక్కన పెడుతుంది. మరునాడు ఉదయం నిద్ర లేవగానే పరగడుపునే నీటిని తాగటం వల్ల శరీరంలో నిలువ చేయబడి ఉన్న వ్యర్ధ పదార్థాలు బయటకు పంపబడతాయి. అర్థమైందా ఉదయం పూట నీటిని ఎందుకు తాగమని చెప్తారో...
|
|