కొబ్బరితో ఎన్నో ఆరోగ్య ప్రయోజనాలు
Life style | Suryaa Desk | Published : Sat, Apr 23, 2022, 12:19 PM
కొబ్బరి కాయ ఆరోగ్యానికి ఎంతో మేలు చేస్తుందని ఆరోగ్య నిపుణులు చెబుతున్నారు. కొబ్బరి అనేక ఆరోగ్య సమస్యలను దూరం చేస్తుందని అంటున్నారు. మరి కొబ్బరితో ఉన్న లాభాలేంటో ఇప్పుడు తెలుసుకుందాం.
- పచ్చికొబ్బరిలో పోషక విలువలు ఎక్కువగా ఉంటాయి. దీనిలో విటమిన్ ఎ, బి, సి, రైబోఫ్లెవిన్, ఐరన్, కాల్షియం, ఫాస్పరస్, పిండిపదార్థాలు, కొవ్వు, ప్రోటీన్లు సమృద్ధిగా లభిస్తాయి. కొబ్బరి నీరు శక్తినిస్తుంది. శరీరం ఎల్లప్పుడూ హైడ్రేటెడ్‌గా ఉండటానికి సహాయపడుతుంది.
- జట్టు రక్షణకు కొబ్బరి మంచి ఔషధం. జుట్టుకు కొబ్బరి నూనె మాత్రమే కాదు కొబ్బరి పాలు కూడా రక్షణనిస్తాయి.
- కొబ్బరిని తగిన మోతాదులో ఆహారంగా తీసుకుంటే చర్మం మృదువుగా మారడానికి సహాయపడుతుంది. కొబ్బరిలో ఉన్న సైటోకినిన్స్ చర్మంలోని వృధ్యాప్య ఛాయలను పోగొడతాయి.
- కొబ్బరిలో చక్కెర తక్కువగా ఉంటుంది. కొబ్బరి నీరు ఉబ్బరం వంటి కడుపు సంబంధిత సమస్యలను ఎదుర్కోవడంలో సహాయపడుతుంది.
- కొబ్బరిని రెగ్యులర్ డైట్ లో చేర్చుకోవడం వల్ల వ్యాధినిరోధక శక్తి పెరుగుతుంది.
- ఎండు కొబ్బరి మతిమరుపు వంటి సమస్యలను నివారిస్తుంది.
- కొబ్బరిలో ఉండే కొవ్వు పదార్థాలు మూర్ఛ, అల్జీమర్స్ వంటి మెదడు రుగ్మతల నుంచి కాపాడుతాయి. కొబ్బరి మేధోశక్తిని పెంచుతుంది.
- కొబ్బరిలో పీచు పదార్థం అధికంగా ఉంటుంది. ఇది మధుమేహం వచ్చే ప్రమాదాన్ని తగ్గిస్తుంది. రక్తంలో చక్కెర స్థాయి పెరుగుదలను తగ్గించి డయాబెటిస్ ను నియంత్రిస్తుంది.
-కొబ్బరి మూత్ర విసర్జనలో ఇన్ఫెక్షన్లకు చెక్ పెడుతుంది. ఇది సహజంగా పనిచేసి ఆరోగ్యాన్ని మెరుగుపరుస్తుంది.
|
|