వింత ప్రేమకు అమ్మాయి బలి

అమ్మాయి, అబ్బాయి మధ్య ప్రేమ పుట్టడం సహజం. కానీ అబ్బాయి, అబ్బాయి ప్రేమించుకోవడం, తామేమీ తక్కువ కాదని అమ్మాయి, అమ్మాయి ప్రేమించుకొంటున్న దుష్టకరమైన రోజులను మనం చూస్తున్నాం. ప్రేమ ఎప్పుడు, ఎవరిలో ఎలా పుడుతుందో తెలియదు. ప్రేమ‌కు కుల‌, మ‌త, త‌ర, తమ బేధాలు లేవని చెబుతుంటారు. ఓ అమ్మాయి, అబ్బాయి మధ్య ప్రేమ‌ పుట్టడం సహజం. కానీ ఇటీవలి కాలంలో కొందరు.. ప్రేమకు లింగభేదం లేదని, మనసులు కలిస్తే చాలని అంటున్నారు. ఈ క్రమంలో అబ్బాయిలు అమ్మాయిలుగా, అమ్మాయి యువకుడిగా మారుతున్నారు. తాజాగా, ప్రేమిస్తున్నట్టు నటించిన ఒక మహిళ మరో మహిళను పురుషుడిగా మారాలని బలవంతం చేసి, ఆపై మోసగించిన ఘటన తమిళనాడులోని మదురై జిల్లాలో వెలుగులోకి వచ్చింది.

విల్లాపురం మీనాక్షినగర్‌ ప్రాంతానికి చెందిన జయసుధ అనే యువతికి.. ఉమచ్చికులం ప్రాంతానికి చెందిన సెంథిల అనే మరో మహిళతో పరిచయం ఏర్పడింది. ఇది స్నేహంగా మారి, ఇరువురూ ఒకరిపై ఒకరు ఇష్టాన్ని పెంచుకున్నారు. ఒకర్ని విడిచి ఇంకొకరు వదలి ఉండలేకపోవడంతో వివాహం చేసుకోవాలని నిర్ణయించుకున్నారు.

ఈ క్రమంలో జయసుధను లింగమార్పిడి చేయించుకుని పురుషుడిగా మారాలని సెంథిల ఒత్తిడి చేసింది. దీంతో 2021లో ఆమె లింగమార్పిడి చికిత్స చేయించుకుని మగాడిగా మారింది. మదురై ప్రభుత్వ రాజాజీ ఆస్పత్రిలో లింగమార్పి చికిత్స చేయించుకుని, తన పేరును ఆదిశివగా మార్చుకుంది. ఇరువురూ ఓ ఆలయంలో వివాహం చేసుకున్నారు. అయితే, ఈ విషయం సెంథిల తల్లిదండ్రులకు తెలియడంతో వారు పోలీసులను ఆశ్రయించారు. తిరుప్పరకుండ్రం పోలీస్‌ స్టేషన్‌లో ఫిర్యాదు చేశారు. కేసు నమోదుచేసిన పోలీసులు.. సెంథిలను పిలిపించి మాట్లాడారు. తాను తల్లిదండ్రుల వెంట వెళతానని చెప్పడంతో ఆదిశివ షాకయ్యాడు.

దీంతో తనకు తగిన న్యాయం చేయాలని కోరుతూ మదురై కలెక్టర్‌కు ఆదిశివ బుధవారం వినతిపత్రం అందజేశాడు. బలవంతం చేయడం వల్లే తాను లింగమార్పిడి చికిత్స చేయించుకోవాల్సి వచ్చిందని, తీరా ఇప్పుడు కాదని వెళ్లిపోయిందని వాపోయారు. ఈ కేసులో ఎలా వ్యవహరించాలని పోలీసులు, అధికారులు మల్లగుల్లాలు పడుతున్నారు. కాగా, దేశంలో ఇటీవల ఇలాంటి ఘటనలు తరుచూ చోటుచేసుకుంటున్నాయి.