ట్రెండింగ్
వైభవంగా సీతారాముల నిత్యకళ్యాణం
Bhakthi | Suryaa Desk | Published : Thu, Apr 28, 2022, 03:58 PM
భద్రాచలం శ్రీ సీతారామచంద్ర స్వామి దేవస్థానం ఆధ్వర్యంలో గురువారం రామయ్యకు వైభవంగా నిత్యకళ్యాణం నిర్వహించారు. ఆలయ తలుపులు తెరిచి స్వామి వారికి సుప్రభాతసేవ జరిపారు. అనంతరం ఆరాధన, సేవాకాలం, నివేదన, నిత్యహోమాలు, నిత్య బలిహరణం నిర్వహించారు. అలాగే రామాలయం గాలిగోపురానికి అభిముఖంగా ఉన్న ఆంజనేయ స్వామి వారికి పంచామృతాలతో అభిషేకం, గంధ సింధూరం, తమలపాకులతో ప్రత్యేక పూజలు జరిపారు.
అనంతరం స్వామివారి కళ్యాణ మూర్తులను బేడా మండపానికి తీసుకొచ్చి సంప్రదాయబద్ధంగా నిత్యకల్యాణం నిర్వహించారు. కళ్యాణంలో పాల్గొన్న దాతలకు స్వామివారి ప్రసాదాలను, శేష వస్త్రాలను అందజేశారు. ఈకార్యక్రమంలో ఆలయ అర్చకులు, అధికారులు, ఉద్యోగులు, సిబ్బంది, భక్తులు అధిక సంఖ్యలో పాల్గొన్నారు.
|
|