అందాల రాశి అని పెళ్ళి చేసుకుంటే.. పెళ్లైన వారానికే షాక్ ఇచ్చిన వధువు
national | Suryaa Desk | Published : Wed, May 11, 2022, 09:44 PM
అమ్మాయి బాగుందని వరుడు తరుపు వారు ముచ్చట పడ్డారు. అందాల రాశి అని మురిసి పోయారు. ఏకంగా ఎదురు కట్నం ఇచ్చి మరీ పెళ్లి జరిపించారు. కొత్త కోడలిని ఎంతో సంతోషంగా ఇంట్లోకి ఆహ్వానించారు. అయితే వారి ఆనందం ఎంతో కాలం నిలవలేదు. పెళ్లైన వారానికే అత్తింటి వారికి నవ వధువు షాక్ ఇచ్చింది. ఇంట్లో డబ్బు, నగలతో సహా పరారైంది. ఆమెను వెతుక్కుంటూ వెళ్లిన వారికి ఆమె కంగుతినిపించింది. ఈ ఘటనకు సంబంధించిన వివరాలిలా ఉన్నాయి.
మధ్యప్రదేశ్కు చెందిన రాహుల్ అనే యువకుడికి అతడి తల్లిదండ్రులు పెళ్లి సంబంధాలు చూడడం ప్రారంభించారు. ఇటీవల రాధేశ్యామ్ అనే ఓ మధ్యవర్తి తీసుకొచ్చిన సంబంధం వారికి బాగా నచ్చింది. చత్తీస్ఘడ్కు చెందిన లలిత అనే యువతి బాగుండడంతో ఆమెతో వివాహానికి అంతా ఓకే చెప్పారు. అయితే వధువు ఆర్థిక పరిస్థితి అంతంత మాత్రం కావడంతో వరుడు తరుపు వారు ఎదురు కట్నం కూడా ఇచ్చారు. అంగరంగ వైభవంగా ఇటీవల పెళ్లి తంతు జరిపించారు. పెళ్లైన రెండో రోజు ఆ కొత్త జంటను హనీమూన్కు పంపేందుకు ఏర్పాట్లు చేశారు. అయితే నెలసరి ఉందంటూ ఆమె తప్పించుకుంది.
ఈ క్రమంలో వారం కాకుండానే ఇంట్లో బంగారం నగలు, డబ్బుతో ఆమె ఉడాయించింది. సంబంధం తీసుకొచ్చిన మధ్యవర్తిని నిలదీద్దామని వరుడు తరుపు వారు వెళ్లారు. అయితే అతడి ఇంటి తలుపు తీయగానే లోపల మధ్యవర్తితో ఆమె అభ్యంతరకర రీతిలో సన్నిహితంగా కనిపించింది. దీంతో వారంతా అవాక్కయ్యారు. పోలీసులకు ఫిర్యాదు చేద్దామని వెళితే ఈలోపు వారిద్దరూ పరారయ్యారు.
|
|