విమానంలో మందు బాబు హల్ చల్
national | Suryaa Desk | Published : Tue, May 17, 2022, 11:52 AM
కొందరు మందు తాగితే అన్నీ మర్చిపోతారు. నడిరోడ్డుపై చిందులు వేస్తారు. ఇంకొందరు బాగా మద్యం తాగి రోడ్డెక్కుతారు. బస్సులకు అడ్డంగా వెళ్లి ఒంటి చేత్తో వాటిని ఆపేస్తారు. ఇదే కోవలో విమానంలో ప్రయాణిస్తున్న ఓ వ్యక్తి బాగా మద్యం తాగాడు. ఆ తర్వాత అతడు అందంగా కనిపించిన ఎయిర్హోస్టెస్తో అభ్యంతరకరంగా ప్రవర్తించాడు. దీంతో ఇతడి గొడవ తట్టుకోలేక ఏకంగా విమానాన్ని ముంబైలో ఎమర్జెన్సీ ల్యాండింగ్ చేశారు. ఆలస్యంగా వెలుగులోకి వచ్చిన ఈ ఘటనకు సంబంధించిన వివరాలిలా ఉన్నాయి.
దోహా-బెంగళూరు విమానాన్ని శనివారం అర్థరాత్రి ముంబైలోని ఛత్రపతి శివాజీ మహారాజ్ అంతర్జాతీయ విమానాశ్రయంలో అత్యవసరంగా ల్యాండింగ్ చేయవలసి వచ్చింది. మద్యం మత్తులో ఉన్న ప్రయాణీకుడు విమానంలో గొడవ సృష్టించాడు. కేరళకు చెందిన సర్ఫుద్దీన్ ఉల్వార్ అనే ప్రయాణికుడిని పోలీసులు అరెస్టు చేశారు. అతడిని ఆదివారం మెట్రోపాలిటన్ మెజిస్ట్రేట్ కోర్టులో హాజరుపరిచి జ్యుడీషియల్ రిమాండ్కు తరలించారు. ఎయిర్ హోస్టెస్ తనను మద్యం తాగకుండా ఆపేందుకు ప్రయత్నించినప్పుడు ఉల్వార్ ఆమెతో అనుచితంగా ప్రవర్తించాడని పోలీసులు తెలిపారు. తోటి ప్రయాణీకులను కూడా దుర్భాషలాడాడని, వారు జోక్యం చేసుకోవడానికి ప్రయత్నిస్తే గొడవ పడ్డాడని పోలీసులు తెలిపారు. వారు తెలిపారు. అతని ప్రవర్తన వల్ల విమానాన్ని దారి మళ్లించి, ముంబైలో అత్యవసరంగా ల్యాండింగ్ చేయాల్సి వచ్చిందని పోలీసులు తెలిపారు. ముంబై విమానాశ్రయంలోని విమానం ల్యాండ్ అవగానే ఉల్వార్ను సీఐఎస్ఎఫ్ పోలీసులు అదుపులోకి తీసుకుని పోలీసులకు అప్పగించారు.
|
|