వారం వారం పేమెంట్లు తీసుకోండి: విద్యుత్ ఉత్పత్తి సంస్థంలకు కేంద్రం సలహా

విద్యుత్ ఉత్పత్తి సంస్థలకు కేంద్ర ప్రభుత్వం కీలక సలహా ఇచ్చింది. అపుడే మీ పరిస్థితి దిగజారకుండా ఉంటుందని స్పష్టంచేసింది. ఎలక్ట్రిసిటీ కొనుగోలుదారుల నుంచి వారం వారం పేమెంట్లు తీసుకోవాలని విద్యుత్ ఉత్పత్తి సంస్థలను కేంద్ర ప్రభుత్వం కోరినట్లు తెలుస్తోంది. అధిక దిగుమతుల కారణంగా బొగ్గు వ్యయాలు పెరిగిపోయిన నేపథ్యంలో సరిపడినంత నిధుల అందుబాటులో ఉండేలా చూసుకోవాలని కేంద్రం పేర్కొంటోంది. పేమెంట్ వ్యవస్థకు విద్యుత్ శాఖ ఇప్పటికే ఎలక్ట్రిసిటీ చట్టానికి సవరణ చేసినట్లు తెలుస్తోంది. ఈ నిర్ణయం వల్ల పవర్ డిస్ట్రిబ్యూషన్ కంపెనీలుపై మరింత ఎక్కువ ఒత్తిడి పడనుంది. ఇప్పటికే డిస్కమ్స్ భారీ రుణ భారంతో సతమతమౌతున్నాయి.

డిస్కమ్‌లు విద్యుత్ ఉత్పత్తిదారులకు ప్రొవిజనల్ బిల్లులో కనీసం 15 శాతం ఒక వారంలోగా చెల్లించాల్సి ఉంటుంది. ఒకవేళ ఈ చెల్లింపులు జరగకపోతే అప్పుడు విద్యుత్ ఉత్పత్తి చేసే కంపెనీలు వారి ఉత్పత్తిలో 15 శాతాన్ని ఎలక్ట్రిసిటీ ఎక్స్చేంజీలకు విక్రయించుకోవచ్చు. పవర్ ప్లాంట్లు సాధారణంగా డిస్కమ్స్‌తో దీర్ఘకాలపు అగ్రిమెంట్లను కలిగి ఉంటాయి. ఫిక్స్‌డ్ రేట్లు కొనసాగిస్తూ ఉంటాయి. అయితే దిగుమతుల వల్ల వ్యయాలు పెరిగితే పవర్ ప్లాంట్లు ఆ భారాన్ని డిస్కమ్‌లకు బదిలీ చేయొచ్చు.

ప్రపంచ వ్యాప్తంగా చూస్తే దేశంలో పవర్ టారిఫ్‌లు తక్కువగానే ఉన్నాయని చెప్పుకోవచ్చు. ప్రభుత్వ రంగ డిస్ట్రిబ్యూషన్ కంపెనీలు ధరల పెంపు భారాన్ని భరిస్తున్నాయి. అందువల్ల టారిఫ్ ధరలు కూడా స్థిరంగానే ఉంటు వస్తున్నాయి. దీని వల్ల చాలా కంపెనీలు రుణ ఊబిలో కూరుకుపోతున్నాయి. దీని వల్ల విద్యుత్ డిస్ట్రిబ్యూషన్ సంస్థల నుంచి విద్యుత్ ఉత్పత్తి కంపెనీలకు సరైన సమయంలో చెల్లింపులు జరగకపోవచ్చు. దీని వల్ల విద్యుత్ రంగంలో క్యాష్ ఫ్లో‌పై ప్రభావం పడుతోంది. అలాగే కొత్త ఇన్వెస్ట్‌మెంట్లు లేవు. ఒకవేళ డిస్ట్రిబ్యూషన్ కంపెనీలు కరెక్ట్ టైమ్‌కి బిల్లులు చెల్లిస్తే దీని వల్ల విద్యుత్ ఉత్పత్తి కంపెనీలకు ఊరట కలుగుతుంది. అదానీ పవర్, టాటా పవర్, రిలయన్స్ పవర్, జిందాల్ స్టీల్ అండ్ పవర్, టొరెంట్ పవర్, సెంబ్‌కార్ప్ వంటి సంస్థలకు ప్రయోజనం ఉంటుంది. కేంద్ర విద్యుత్ మంత్రిత్వ శాఖ ఇటీవలనే డిస్కమ్స్‌ ఎదుర్కొంటున్న ఆర్థిక కష్టాలను పరిష్కరించడానికి ఒక స్కీమ్‌పై పని చేస్తున్నామని వెల్లడించింది. డిస్కమ్స్ వాటి బకాయిలను 48 నెలల ఇన్‌స్టాల్‌మెంట్లలో చెల్లించే వెసులుబాటు కల్పించనున్నారు. మే 18 నాటికి డిస్కమ్స్ బకాయిలు (విద్యుత్ ఉత్పత్తి కంపెనీలకు చెల్లించాల్సినవి) రూ. 1,00,018 కోట్లుగా ఉన్నాయి. గత ప్రభుత్వాలు కూడా డిస్కమ్‌ల ఆర్థిక కష్టాలు తీర్చడానికి పలు నిర్ణయాలు తీసుకున్నాయి. అయితే ఇవి ఎక్కువగా సత్ఫలితాలను అందించలేదని చెప్పుకోవచ్చు.