ట్రెండింగ్
జిల్లా బాస్కెట్ బాల్ జట్టుకు ధర్మవరం క్రీడాకారులు
Andhra Pradesh Telugu | Suryaa Desk | Published : Thu, Jun 16, 2022, 12:00 PM
కృష్ణాజిల్లా గుడివాడ పట్టణంలోని ఎన్టీఆర్‌ స్టేడియంలో ఈనెల 16 నుంచి 19 వ తేదీవరకు జరిగే 5వ ఏపీ యూత్‌ ఇంటరెస్టిక్‌ బాస్కెట్‌బాల్‌ ఛాంపియన్‌ షిప్‌ పోటీల్లో పాల్గొనే అనంతపురం ఉమ్మడి జిల్లా జట్టుకు ధర్మవరం క్రీడాకారులు ఎంపికైనట్లు ధర్మాంబ బాస్కెట్ బాల్ అసోసియేషన్‌ ప్రతినిధులు తెలిపారు. ఈనెల 10 న అనంతపురంలో జరిగిన జిల్లా బాస్కెట్‌బాల్‌ పోటీల్లో ప్రతిభ కనబరచిన ధర్మవరం పట్టణానికి చెందిన సల్మా , కిరణ్మయి శ్రీనివాసులు , విజరు తరుణ్‌ , వెంకట్‌ ఎంపికయ్యారని అసోషియేషన్‌ ఆర్గనైజింగ్‌ సెక్రటరీ ఆత్మీయ ట్రస్టు చైర్మన్‌ శెటిపి జయచంద్రారెడ్డి తెలిపారు. ఎంపికైన క్రీడాకారులను ఆయనతోపాటు అసోషియేషన్‌ అధ్యక్షుడు మేడాపురంరామిరెడ్డి, ఉపాధ్యక్షులు నిమ్మచంద్రశేఖర్‌, సీనియర్‌ క్రీడాకారులు వెంకటరంగారెడ్డి, సంజరు, మధు, ఫయాజ్‌ అభినందించారు.
|
|