ఏకంగా అంత మొత్తంలో షేర్లు కొన్న...విజయ్ శేఖర్ శర్మ

షేర్ కొనుగోలు వ్యవహారం ఆషామాషీ కాదు. ఎంతో ధైర్యంతో, తెలివీ తేటలతో కొన్నాలి. అలాంటి గుండే ధైర్యమే చేశాడు విజయ్ శేఖర్ శర్మ. డిజిటల్ ఫైనాన్సియల్ సర్వీసెస్ సంస్థ వన్97 కమ్యూనికేషన్స్ మేనేజింగ్ డైరెక్టర్ విజయ్ శేఖర్ శర్మ కంపెనీకి చెందిన 1.7 లక్షల షేర్లను రూ.11 కోట్లకు కొనుగోలు చేశారని కంపెనీ రెగ్యులేటరీ ఫైలింగ్‌లో తెలిపింది. పేటీఎం బ్రాండ్ కింద కార్యకలాపాలు నిర్వహిస్తోన్న ఈ కంపెనీలో విజయ్ శేఖర్ శర్మ తాజా పెట్టుబడుల వివరాలను వెల్లడించింది. మే 30, 31 తేదీల్లో విజయ్ శేఖర్ శర్మ ఈ షేర్లను కొన్నట్టు కంపెనీ తెలిపింది.

మే 30న విజయ్ శేఖర్ శర్మ 1,00,552 షేర్లను రూ.6.31 కోట్లను కొనుగోలు చేశారు. ఆ తర్వాత వెంటనే మే 31వ తేదీన 71,469 షేర్లను రూ.4.68 కోట్లకు కొనుగోలు చేశారు. దీంతో వీటి వాల్యూ మొత్తంగా రూ.11 కోట్లుగా ఉందని కంపెనీ పేర్కొంది. నేటి సెషన్‌లో పేటీఎం స్టాక్ ధర రూ.646.30 వద్ద ట్రేడైంది. రెగ్యులేషన్స్ ప్రకారం, పేటీఎం ఐపీఓకి వచ్చిన ఆరు నెలల వరకు శర్మ షేర్లను కొనడానికి వీలు లేదు. ప్రస్తుతం ఈ ఆంక్షలు ముగియడంతో.. విజయ్ శేఖర్ శర్మ వరుస పెట్టి రెండు రోజులు షేర్లను కొన్నారు. వచ్చే ఆరు క్వార్టర్లలో ఈబీఐటీడీఏ నిర్వహణలో బ్రేక్ ఈవెన్‌ను కంపెనీ సాధిస్తుందని షేర్‌హోల్డర్లను ఉద్దేశిస్తూ రాసిన లేఖలో శర్మ తెలిపారు. తమ గ్రోత్ ప్లాన్లలో ఎలాంటి రాజీ పడాల్సినవసరం లేకుండానే దీన్ని సాధిస్తామని చెప్పారు.

పేటీఎం నవంబర్‌లో మార్కెట్లో లిస్ట్ అయింది. ఐపీఓలో ఒక్కో షేరు రూ.2150 వద్ద పలికింది. కానీ లిస్టింగ్ అప్పుడు ఉన్న జోరు ప్రస్తుతం కనిపించడం లేదు. రూ.511 వద్ద ఆల్ టైమ్ కనిష్ట స్థాయిలను కూడా ఈ స్టాక్ తాకింది. ప్రస్తుతం రూ.600 స్థాయిలో ట్రేడవుతోంది. పేటీఎం మార్చితో ముగిసిన నాలుగో క్వార్టర్‌లో రెవెన్యూ గ్రోత్ 89 శాతం పెరిగి రూ.1,541 కోట్లకు ఎగిసింది. లాభం 210 శాతం పెరిగి రూ.539 కోట్లుగా రికార్డయింది. 2021-22 ఆర్థిక సంవత్సరంలో నిర్వహణల నుంచి కంపెనీకి వచ్చిన రెవెన్యూలు వార్షికంగా 77 శాతం పెరిగి రూ.4,974 కోట్లకు పెరిగాయి. కంట్రిబ్యూషన్ ప్రాఫిట్ 313 శాతం పెరిగి రూ.1,498 కోట్లకు ఎగిసింది.