రాజయోగం అంటే ఇదే మరి...అనుకోకుండా కోటీశ్వరుడయ్యాడు

అనుకోకుండా ఏదీ దక్కినా సంతోషమే. అలాంటిది అనుకోకుండా కోటీశ్వరుడైతే ఆ ఆనందానికి అవదులుంటాయా...? అనుకోకుండా చేసిన పనితో ఓ వ్యక్తికి అదృష్టం వరించింది. అలా..ఇలా కాదు.. ఆ వ్యక్తే నమ్మలేనంతగా వింత జరిగింది. ఉన్న పళంగా కోట్లాది రూపాయలు వచ్చిపడ్డాయి. అమెరికాలోని ఓ వ్యక్తికి ఈ అనుభవం ఎదురైంది. యథలాపంగా కొన్న లాటరీ తగిలింది. రాత్రికి రాత్రే కోటీశ్వరుడైపోయాడు. ఇక ఆయన ఆనందానికి అవధులు లేకుండా పోయాయి.

సౌత్ కరోలినాలోని ఒక వ్యక్తి పని ముగించుకుని ఇంటికి వెళ్తూ అనుకోకుండా లారెన్స్ నగరంలోని ప్లేయర్ స్టోర్ నెంబర్ 105 అనే లాటరీ టికెట్లను అమ్మే షాపు దగ్గర ఆగాడు. ఎలాగో ఆగాం కదా అని ఐదు డాలర్లు పెట్టి గోల్డ్ 50 ఎక్స్ లాటరీ స్క్రాచ్ టికెట్‌ని కొనుగోలు చేశాడు. దానిని పట్టుకుని ఇంటికి వెళ్లిపోయాడు. తాపీగా సోఫాలో పడుకుని ఆ టికెట్‌ను స్క్రాచ్ చేశాడు. స్క్రాచ్ చేసి చూడగా ఒక్కసారిగా షాక్ అయ్యాడు. రూ.1.5 కోట్లను గెలుచుకున్నాడు. దాంతో ఆనందంతో నోట మాట రాలేదు.

తర్వాత ఆ షాక్ నుంచి తేరుకుని డబ్బులను క్లెయిమ్‌ చేసుకోవడానికి ఆ లాటరీ టికెట్‌ను పట్టుకుని షాపుకు పరుగులు తీశాడు. ఈ విషయం గురించి మాట్లాడుతూ.. "అసలు నేను లాటరీ కొనుగోలు చేయాలనుకోలేదు. ఇంటికి వెళ్లే సమయంలో అనుకోకుండా దుకాణం దగ్గర ఆగి కొన్నాను." అని లాటరీ గెలుచుకున్న వ్యక్తి చెప్పాడు. అయితే ఆ డబ్బుతో చేయాలనుకుంటున్నాడో మాత్రం చెప్పలేదు.

గత ఏప్రిల్ నెలలో ఇలాంటి ఘటనే చోటుచేసుకుంది. భార్య వద్దన్నా లాటరీ టికెట్ కొనుగోలు చేసి.. కోట్లాది రూపాయలు సొంతం చేసుకున్నాడు. పంజాబ్‌లో భటిండా జిల్లాలో ఉండే రోషన్ సింగ్ 34 ఏళ్లగా లాటరీ టికెట్లు కొనేవాడు. దానివల్ల డబ్బులు పోయేవి కానీ.. లాటరీ తగిలేది కాదు. ఆ వ్యక్తి బట్టల దుకాణం ఆపేవాడు. కానీ ఏదో ఒకరోజు తనకు లాటరీ తగులుతుందని గట్టిగా నమ్మాడు. దాంతో కొంటూనే ఉండేవాడు. దానివల్ల వాళ్ల భార్య కూడా తిట్టేది. ఆ లాటరీ టికెట్లు కొనవద్దని వారించేది. అయినా సరే వినకుండా రోషన్ లాటరీ టికెట్ కొన్నాడు. అలా కొన్న లాటరీ టికెట్ తగిలింది.. ఏకంగా రూ.2.5 కోట్లు గెలుచుకున్నాడు.