చైనా శక్తి పెరిగినా....ఆ శక్తిలో అమెరికాదే పై చెయ్యి
international | Suryaa Desk | Published : Sun, Jun 19, 2022, 08:51 PM
ఆయుధాల విషయంలో చైనా తన శక్తిని పెంచుకొంటున్నా ఎయిర్క్రాఫ్ట్ కారియర్ల విషయంలో అమెరికాను ఢీకొనే స్థాయిలో మాత్రం ఇంకా ఎదగలేదని చెప్పాలి. చైనా క్రమంగా ఎయిర్క్రాఫ్ట్ కారియర్లను పెంచుకుంటున్నప్పటికీ.. ఈ విషయంలో ఇప్పటికీ అమెరికాదే పైచేయి. అమెరికా వద్ద ప్రస్తుతం 11 ఎయిర్క్రాఫ్ట్ కారియర్లు ఉన్నాయి. చైనా వద్ద ఉన్న రెండు సోవియట్ కాలం నాటి పాత టెక్నాలజీతో నిర్మించినవి. వీటిపై ఉండే కొద్దిపాటి ర్యాంప్ మీదుగా యుద్ధ విమానాలు ఎగురుకుంటూ వెళ్తాయి. కానీ అమెరికా వద్ద అధునాత టెక్నాలజీ ఉంది. పైగా ఇవి అణ్వాయుధ సామర్థ్యం కలవి. చైనా రూపొందించిన ఫ్యూజియాన్కు ఆ సామర్థ్యం లేదు. ఫ్యూజియన్ను లాంచ్ చేసినప్పటికీ దాని సేవలను ఉపయోగించుకోవడానికి చైనాకు కనీసం మరో రెండేళ్ల సమయం పడుతుంది.
ప్రస్తుతం బ్రిటన్, ఇటలీ వద్ద రెండేసి చొప్పున ఎయిర్క్రాఫ్ట్ కారియర్లు ఉండగా.. రష్యా, ఫ్రాన్స్, బ్రెజిల్, స్పెయిన్, థాయిలాండ్ వద్ద ఒక్కో ఎయిర్క్రాఫ్ట్ కారియర్ ఉంది. ఇండియా వద్ద కూడా రష్యా నుంచి తెచ్చుకున్న ఐఎన్ఎస్ విక్రమాదిత్య ఉంది. భారత్ సొంతగా ఐఎన్ఎస్ విక్రాంత్ అనే యుద్దవాహక నౌకను నిర్మిస్తోంది. ఈ ఏడాది చివరి నాటికి ఇది సముద్ర జల ప్రవేశం చేసే అవకాశం ఉంది. ఐఎన్ఎస్ విశాల్ పేరిట మరో ఎయిర్క్రాఫ్ట్ కారియర్ను సైతం నిర్మించేందుకు ప్రయత్నాలు జరుగుతున్నాయి.
|
|