రైతులు - యువత అంశాలే లక్ష్యంగా
national | Suryaa Desk | Published : Mon, Jun 20, 2022, 03:50 PM
బీజేపీ ప్రభుత్వానికి వ్యతిరేకంగా దేశవ్యాప్తంగా ప్రభావం చూపే అంశాలను నినాదాలుగా తీసుకొని కొత్త పార్టీ ఏర్పాటు దిశగా కేసీఆర్ ముందడుగు వేస్తున్నట్లు సమాచారం. ఇటీవల నల్లచట్టాలకు వ్యతిరేకంగా రైతులు పెద్ద ఎత్తున్న పోరాటాలు చేశారు. దీంతో మెండికేసీన మోడీ సర్కార్ దిగరాక తప్పలేదు. అదే సందర్బంలో ప్రస్తుతం అగ్నిపథ్ పథకంపై దేశంలోని యువత తీవ్రంగా మండిపడుతోంది. ఈ నేపథ్యంలో యువతను కూడా ప్రధాన అంశంగా తీసుకోవాలని కేసీఆర్ యోచిస్తున్నట్లు సమాచారం. రైతుల విషయంలో కేంద్రం తీరు..నష్టం.. తీసుకోవాల్సిన చర్యల పైన మేధావులతో సమావేశం ఏర్పాటు చేసి కేసీఆర్ తన ముందున్న ప్రత్యామ్నాయ విధానాలను వివరించనున్నారు. దేశ వ్యాప్తంగా సోషల్ మీడియా ద్వారా సాధ్యమైన మేరకు ప్రజలకు దగ్గరయ్యేలా వ్యూహాలు సిద్దం చేస్తున్నారు. ఇతర రాష్ట్రాల్లో ప్రజల పెండింగ్ డిమాండ్లు..ఆకాంక్షలు.. పార్టీల వైఖరి పైనా కేసీఆర్ సమాచారం సేకరించారు.
వీటి పైన పూర్తి స్థాయిలో అధ్యయనం ద్వారా వారికి ఏ విధంగా మద్దతుగా నిలవగలమనే అంశం పైన ఫోకస్ చేస్తున్నారు. బీజేపీ తో పాటుగా కాంగ్రెస్ తో దూరంగా ఉంటున్న ప్రముఖులతో కేసీఆర్ మంతనాలు సాగిస్తున్నారు. సుబ్రమణ్య స్వామి.. టికాయత్ తోనూ ఇప్పటికే మంతనాలు జరిపారు. తాను గతంలో కలిసి కొన్ని పార్టీల నేతలు కాంగ్రెస్ తో సఖ్యతతో ఉంటున్న పరిస్థితుల్లో వారితోనూ ప్రస్తుతానికి దూరంగా ఉండాలని కేసీఆర్ భావిస్తున్నట్లు సమాచారం.
|
|