రూ.10 నాణేలు తీసుకోవడంలేదని...ఓ దుకాణదారుడు ఇలా నిరసన తెలిపాడు

రూ.10 నాణేలు ప్రభుత్వమే జారీ చేసినా వాటిని స్వీకరించేందుకు బ్యాంకులే నిరాకరిస్తే ఎవరైనా ఏం చేయాలి. నిరసన చేయాలి. దుకాణదారుడు కూడా అలాగే చేశాడు. తన నిరసనను వినూత్నంగా చేసిచూపాడు. ఇలా అందర్నీ ఆకర్షించే ప్రయత్నం చేశాడు. తమిళనాడుకు చెందిన ఓ వ్యక్తి కారు కొన్నాడు. అందులో వింతేమి లేదు. కానీ కొన్న విధానమే చాలా వెరైటీగా ఉంది. ఇప్పుడదే హాట్ టాపిక్ అయింది. కారును రూ. 6 లక్షలతో కొన్నాడు. అయితే ఆ డబ్బును కేవలం కాయిన్స్ రూపంలో మాత్రమే పే చేశాడు. అరూర్‌కు చెందిన వెట్రివేల్ అనే వ్యక్తి ధర్మపురిలోని ఓ కార్ షోరూంలోకి వెళ్లి ఆరు లక్షల రూపాయలు విలువ చేసే కారును సెలక్ట్ చేసుకున్నాడు. అయితే ఆ రూ.60,000లను కేవలం 10 రూపాయల నాణేలను మాత్రమే చెల్లించాడు. దాంతో షోరూం ఉద్యోగులు షాక్ అయ్యారు.

దీనికి పెద్ద కారణమే ఉంది. నిజానికి వెట్రివేల్ తల్లి ఓ దుకాణాన్ని నడుపుతున్నారు. అయితే ఆ షాపుకు వచ్చిన కస్టమర్లు రూ.10ల నాణెలను తీసుకోవడానికి నిరాకరించిన సందర్భాలు చాలానే ఉన్నాయి. "మా అమ్మ ఒక దుకాణం నడుపుతోంది. ప్రజలు పది రూపాయల నాణేలను స్వీకరించడానికి ఇష్టపడకపోవడంతో.. రూ.10ల కాయిన్స్ కుప్పగా పేరుకుపోయాయి. ఆ నాణేలను స్వీకరించడానికి ఎవరూ సిద్ధంగా లేరు" అని వెట్రివేల్ చెప్పారు.

ఆఖరికి బ్యాంకుల్లో కూడా అధికారులు వాటిని తీసుకోవడానికి ఇష్టపడలేదని, ఆ కాయిన్స్‌ను లెక్కించేందుకు అవసరమయ్యే సామాగ్రి లేదని తెలిపారని వెట్రివేల్ చెప్పారు. నాణేలను బ్యాంకులు స్వీకరించడం లేదని ఫిర్యాదు చేసినా ఎటువంటి చర్యలు తీసుకోలేదని అన్నారు. దాంతో విసుగుపుట్టిందని, దీనిపై అందరికీ అవగాహన కల్పించాల్సిన అవసరం ఉందని భావించానని వెట్రివేల్ చెప్పాడు. అందుకే కేవలం రూ.10ల నాణేలతో కారు కొన్నానని చెప్పాడు. అసలు ఇలా కాయిన్స్ ఇచ్చి కారు ఇవ్వడానికి ముందు కారు షోరూం వాళ్లు ఒప్పుకోలేదు.. కానీ వెంట్రివేల్ పట్టుదలను చూసి వారు ఈ డీల్‌కి అంగీకరించారు.

ఇదిలావుంటే గతంలో కూడా ఇలాంటి ఘటనలు చోటుచేసుకున్నాయి. మే నెలలో ఓ తమిళనాడు వ్యక్తి తన డ్రీమ్ బైక్‌ను కేవలం నాణేలను ఇచ్చి కొనుగోలు చేశాడు. వి. భూబతి డోమినార్ 400 మోటర్ బైక్‌ని రూ.2.6 లక్షలు పెట్టి రూ.1 నాణేలతో ఇచ్చి కొనుగోలు చేశాడు. దీనికోసం మూడేళ్ల పాటు రూపాయి కాయిన్స్‌ను సేవ్ చేశాడు.