టాటా మోటార్స్ భారీ డిస్కౌంట్..ఆఫర్ ఈ నెలాఖరు వరకే

కారు మీ కలనా...దీనిని మీ సొంతం చేసుకోవాలని భావిస్తున్నారా...? టాటా మోటార్స్ తన కార్లపై భారీ డిస్కౌంట్లను టాటా మోటార్స్ ప్రకటించింది. ఈ డిస్కౌంట్లను ఈ నెల చివరి వరకే అందిస్తున్నట్టు తెలిపింది. పలు మోడల్స్, వేరియంట్లపై రూ.70 వేల వరకు డిస్కౌంట్లను అందిస్తున్నట్టు టాటా మోటార్స్ తెలిపింది. కనీసం రూ.7,500 నుంచి ఈ డిస్కౌంట్‌ను ఆఫర్ చేస్తుంది. టాటా మోటార్స్ డిస్కౌంట్లు అందించే కార్లలో హ్యారియర్, సఫారి, నెక్సాన్ ఎస్‌యూవీ, ఆల్ట్రోజ్, టియాగో హ్యాచ్‌బ్యాగ్, టిగోర్ సబ్‌-కాంపాక్ట్ సెడాన్‌లు ఉన్నాయి. ఎలక్ట్రిక్ కార్లు, సీఎన్‌జీ వెహికిల్స్‌పై టాటా మోటార్స్ ఎలాంటి డిస్కౌంట్లను ప్రకటించలేదు.

టాటా హ్యారియర్..

టాటా మోటార్స్ ఫ్లాగ్‌షిప్ కారు హ్యారియర్‌పై ఈ నెలలో అత్యధిక డిస్కౌంట్‌ను ఆఫర్ చేస్తుంది. జూలై నెలలో ఈ కారుపై రూ.70 వేల వరకు తగ్గింపును ఇవ్వనున్నట్టు టాటా మోటార్స్ తెలిపింది. దీనిలో రూ.40 వేల ఎక్స్చేంజ్ బోనస్, రూ.5 వేల కార్పొరేట్ డిస్కౌంట్ ఉన్నాయి. ఒకవేళ ఈ కంపెనీ ఉద్యోగి లేదా వెండార్ అయితే అదనంగా రూ.25 వేల డిస్కౌంట్ లభిస్తుంది.

టాటా సఫారి..

టాటా మోటార్స్ మూడు వరుసల ఎస్‌యూవీ అయిన సఫారిపై ఈ నెలలో రూ.40 వేల వరకు డిస్కౌంట్‌ను అందిస్తోంది. ఈ డిస్కౌంట్‌ను ఎక్స్చేంజ్ బోనస్ రూపంలో ఆఫర్ చేస్తోంది. మిగతా అదనపు డిస్కౌంట్లు ఏమీ సఫారిపై అందించడం లేదు.

టాటా టిగోర్..

టాటా మోటార్స్ టిగోర్ సబ్-కంపాక్ట్ సెడాన్‌పై రూ.33 వేల వరకు డిస్కౌంట్లను ఆఫర్ చేస్తుంది. ఈ డిస్కౌంట్లలో ఎక్స్చేంజ్ బోనస్, కార్పొరేట్ డిస్కౌంట్, ఉద్యోగులకు, వెండార్లకు ఇచ్చే డిస్కౌంట్లు కలిసి ఉన్నాయి.

టాటా టియోగో..

ఎక్స్‌జెడ్, ఆపై వేరియంట్లపై టాటా మోటార్స్ కంపెనీ రూ.28 వేల వరకు డిస్కౌంట్‌ను అందిస్తోంది. టియోగో తక్కువ వేరియంట్లపై రూ.18 వేల డిస్కౌంట్స్‌ను ఇస్తోంది.

టాటా నెక్సాన్..

ప్రస్తుతం సబ్-కాంపాక్ట్ సెగ్మెంట్‌లో అత్యధికంగా అమ్ముడుపోతున్న వాహనాలలో నెక్సాన్ ఎస్‌యూవీ ఒకటి. ఈ కారుపై కంపెనీ రూ. 15 వేల వరకు డిస్కౌంట్‌ను ఆఫర్ చేస్తోంది. పెట్రోల్, డీజిల్ వేరియంట్లపై రెండింటిపై ఈ డిస్కౌంట్లు అందుబాటులో ఉంటాయి. డీజిల్ వేరియంట్లపై అత్యధిక డిస్కౌంట్లు రాగా.. పెట్రోల్ వేరియంట్లపై రూ.8 వేల వరకు ఆఫర్ చేస్తోంది.

టాటా ఆల్ట్రోజ్..

టాటా మోటార్స్ ఈ ప్రీమియం హ్యాచ్‌బ్యాక్‌పై రూ.10 వేల వరకు డిస్కౌంట్లు అందుబాటులో ఉన్నాయి. పెట్రోల్, డీజిల్ వేరియంట్లు రెండింటిపై ఈ డిస్కౌంట్లను టాటా మోటార్స్ ఆఫర్ చేస్తోంది.