గొటబయ రాజపక్సె అధికారిక నివాసంలో..గుట్టులు గుట్టలుగా డబ్బు నోట్లు
international | Suryaa Desk | Published : Tue, Jul 12, 2022, 12:00 AM
శ్రీలంక ధ్యక్షుడు గొటబయ రాజపక్సె అధికారిక నివాసంలో గుట్టులు గుట్టులుగా కరెన్సీ నోట్ల కట్టలు బయటపడ్డాయి. ఆర్థిక సంక్షోభం కారణంగా శ్రీలంకలో నిరసనలు వెల్లువెత్తుతూనే ఉన్నాయి. దీంతో అక్కడి అధ్యక్షుడు గొటబయ రాజపక్సె అధికారిక నివాసంలోకి దూసుకెళ్లారు. ఈ విషయం తెలుసుకుని గొటబయ రాజపక్స అక్కడ నుంచి పారిపోయారు. అయితే ఇంట్లో చొరబడిన నిరసనకారులు భవనంలో లక్షలాది రూపాయలను స్వాధీనం చేసుకున్నారు. గుట్టలుగా ఉన్న కరెన్సీ నోట్లను నిరసనకారులు గుర్తించారు. బయటపడ్డ కరెన్సీ నోట్లను ఆందోళనకారులు లెక్కిస్తున్న వీడియో సోషల్ మీడియాలో వైరల్ అవుతుంది. అయితే వాటిని నిరసనకారులు స్థానిక అధికారులకు అప్పగించినట్టు తెలుస్తుంది. సంబంధిత వాస్తవాలను పరిశీలించిన తర్వాత చర్యలు తీసుకుంటామని అధికారులు తెలియజేశారు.
ఆర్థిక సంక్షోభంపై రాజపక్సె రాజీనామా చేయాలని డిమాండ్‌తో వందలాది మంది ప్రభుత్వ వ్యతిరేక నిరసనకారులు శనివారం సెంట్రల్ కొలంబోలోని హై-సెక్యూరిటీ ఫోర్ట్ ఏరియాలోని రాజపక్సె నివాసంలోకి ప్రవేశించారు. భవనంలో రచ్చరచ్చ చేశారు. భవనంలోని స్విమ్మింగ్ పూల్‌లో కొంతమంది ఈత కొట్టగా.. మరికొందరు అక్కడి జిమ్‌లో కసరత్తులు చేశారు. కుటుంబ సభ్యులు, చిన్నారులతో విందు భోజనం చేశారు. అవినీతి నుంచి విముక్తి లభించిందని, అందుకే సంబరాలు చేసుకుంటున్నామని నిరసనకారులు చెప్పారు.
|
|