వైసీపీ సర్కార్ పై జనసేన సరికొత్త అస్త్రం...గుడ్ మార్నింగ్ సీఎం సార్

వైసీపీ సర్కార్ పై జనసేన పదునైన అస్త్రం ప్రయోగించేందుకు సన్నద్దమవుతోంది. గుడ్ మార్నింగ్ సీఎం సార్ అంటున్నారు జనసైనికులు.. పార్టీ పిలుపు మేరకు సరికొత్తగా క్యాంపెయిన్ ముందుగానే ప్రారంభించారు. రాష్ట్రంలో రోడ్ల అధ్వాన్న పరిస్థితిపై జనసేన పార్టీ మరోసారి డిజిటల్‌ క్యాంపెయిన్‌ ప్రారంభించబోతుందని జనసేన పార్టీ రాజకీయ వ్యవహారాల కమిటీ ఛైర్మన్‌ నాదెండ్ల మనోహర్‌ తెలిపారు. ఈ నెల 15, 16, 17 తేదీల్లో #GoodMorningCMSir హ్యాష్‌ ట్యాగ్‌‌తో ఈ డిజిటల్‌ క్యాంపెయిన్‌ నిర్వహిస్తున్నట్లు తెలిపారు. రాష్ట్ర ముఖ్యమంత్రి గాఢ నిద్రలో ఉంటూ కలలు కంటున్నారని.. ఆయన్ని మేల్కొలిపి రోడ్లు ఎలా ఉన్నాయో చూపిస్తామన్నారు. ముఖ్యమంత్రిని నిద్ర లేపే కార్యక్రమం కాబట్టి “గుడ్‌ మార్నింగ్‌ సీఎం సార్‌" అని పేరు పెట్టామన్నారు. ఈ డిజిటల్‌ క్యాంపెయిన్‌ లో పార్టీ అధ్యక్షులు పవన్‌ కళ్యాణ్‌ స్వయంగా పాల్గొని, ఫోటోలు, వీడియోలను

ప్రజా సమస్యలపై రాష్ట్ర ప్రభుత్వాన్ని జనసేన పార్టీ ఎప్పటికప్పుడు నిలదీస్తూనే ఉంది అన్నారు. కేవలం సంక్షేమం అనే గోబెల్స్‌ ప్రచారంతో రాష్ట్ర పరిస్థితిని ఈ ముఖ్యమంత్రి అథోగతి పాలు చేశారన్నారు. రోడ్లను డబుల్‌, నాలుగు వరుసల రహదారులుగా తీర్చిదిద్దుతామని ప్రగల్బాలు పలికిన ముఖ్యమంత్రి... ఇవాళ ప్రధాన రహదారుల్లో అడుగుకో గుంత ఉంటే తట్టడు మట్టి వేయలేదన్నారు.

రాష్ట్ర పరిధిలో 32 వేల కిలోమీటర్లు రోడ్లు ఉంటే... రూ. 2100 కోట్లతో దాదాపు 8 వేల కిలోమీటర్ల దెబ్బతిన్న రోడ్లను మరమ్మతులు చేస్తున్నామని వైసీపీ ప్రభుత్వం ప్రకటించింది. ఈ నెల 10వ తేదీ కల్లా మరమ్మతులు పూర్తి చేసి.. 15కల్లా ఆ రోడ్ల ఫోటోలు అప్లోడ్‌ చేసి ప్రతిపక్షాల నోళ్లు మూయిస్తామని స్వయంగా ముఖ్యమంత్రే ప్రకటించారన్నారు. ముఖ్యమంత్రి గారు చేసిన ఛాలెంజ్‌ ను జనసేన పార్టీ తరుఫున స్వీకరిస్తున్నామని.. ఈ నెల 15, 16, 17ల్లో మరోసారి రాష్ట్ర రహదారుల దుస్థితిని ప్రభుత్వం దృష్టికి తీసుకొచ్చి ముఖ్యమంత్రి కళ్లు తెరిపిస్తామన్నారు.

అలా జనసేన పార్టీ పిలుపునిచ్చిందో లేదో.. జనసైనికులు ముందుగానే క్యాంపెయిన్ ప్రారంభించింది. #GoodMorningCMSir పేరుతో ముందుగానే హ్యాష్ ట్యాగ్‌ను వైరల్ చేస్తున్నారు. రోడ్ల పరిస్థితిపై ప్రశ్నిస్తూనే ఉంటామన్నారు. నిన్నటి నుంచి సోషల్ మీడియాలో వరుసగా పోస్టులు, ట్వీట్లు చేస్తున్నారు.

పెట్రోల్‌, డీజిల్‌ పై రహదారుల మరమ్మతుల కోసం సెన్‌ పేరిట ఏటా రూ. 750 కోట్లు వసూలు చేస్తున్నారన్నారు. వీటిని చూపించే అప్పులు తీసుకొస్తున్నారని.. రోడ్‌ సెస్ చూపించి రూ.6 వేల కోట్ల అప్పులు తెచ్చిన మాట వాస్తవం కాదా అన్నారు. ముఖ్యమంత్రికి నిజాయితీ ఉంటే రహదారుల మరమ్మతుల పేరిట తీసుకొచ్చిన అప్పులు, సెస్‌ పేరిట వసూలు చేసిన సొమ్ము ఏలా ఖర్చు చేశారో రాష్ట్ర ప్రజలకు శ్వేతపత్రం విడుదల చేయాలని డిమాండ్‌ చేశారు.