చైన్ స్నాచర్ ను అరెస్ట్ చేసిన పల్నాడు పోలీస్
Andhra Pradesh Telugu | Suryaa Desk | Published : Fri, Jul 29, 2022, 12:42 PM
పల్నాడు జిల్లా, నరసరావుపేట సబ్ డివిజన్లోని పలు పోలీస్ స్టేషన్ల పరిధిలో చైన్ స్నాచింగ్ మరియు దోపిడీలకు పాల్పడుతున్న చైన్ స్నాచర్ ను అరెస్ట్ చేసిన నరసరావుపేట రూరల్ పోలీసులు.
నరసరావుపేట రూరల్ పోలీస్ స్టేషన్, నరసరావుపేట I టౌన్, నాదెండ్ల,రొంపిచర్ల, మరియు నకరికల్లు పోలీసు స్టేషన్ పరిధిలో సుమారు గత ఆరు నెలల కాలంలో వయస్సు పైబడిన ముసలివారు మరియు ఒంటరిగా ఉన్న మహిళల యొక్క మెడలో ఉన్న బంగారపు చైన్ లు లాక్కొని పోవుచున్న దొంగ గురించి నరసరావుపేట రూరల్ CI గారికి రాబడిన సమాచారం మేరకు సీఐ గారి ఆద్వర్యంలోని ఎస్సైలు బాల నాగి రెడ్డి,హాజరత్తయ్య దర్యాప్తు చర్యలు చేపట్టారు.
ది. 28-07-2022 వ తేదిన నరసరావుపేట మండలంలోని కేసానుపల్లి పంచాయతీ SRKT బైపాస్ వద్ద అనుమానాస్పదంగా ఉన్న ఒక వ్యక్తిని అదుపులోకి తీసుకుని,విచారించగా అతను పాల్పడిన దొంగతనాల గురించి పోలీస్ వారి వద్ద ఒప్పుకోవడం జరిగినది.అతనిని అరెస్ట్ చేసి, అతని వద్ద నుండి చోరి సొత్తు బంగారం 210 గ్రాములు (26 సెవర్లు), రికవరీ చేయడం జరిగినది.
|
|