ఫార్మా ప్రమాదం పై సమగ్ర విచారణ చేయాలి
Andhra Pradesh Telugu | Suryaa Desk | Published : Sat, Jul 30, 2022, 08:33 PM
విశాఖపట్నం: జవహర్ లాల్ ఫార్మాసిటి లో ఎస్ ఎస్ ఫార్మా ప్రమాదం పై సమగ్ర విచారణ చేయాలి అని ఫార్మసిటీ స్టాప్ అండ్ వర్కర్స్ యూనియన్ గౌరవ అధ్యక్షులు గనిశెట్టి సత్యనారాయణ, సిఐటియు జిల్లా నాయకులు వివి శ్రీనివాసరావు ఆర్డీవో ఆఫీస్ ఏవో గంగాధరకు ఫిర్యాదు అందజేశారు. శనివారం నాడు జేఎన్ ఫార్మా సిటీ లో ఈనెల 27 గురువారం మధ్యాహ్నం నాలుగు గంటలకు జరిగిన అగ్ని ప్రమాదం పై సమగ్ర విచారణ చేయాలని వీరు కోరారు.
ఈ సందర్భంగా వీరు మాట్లాడుతూ సాయి శ్రేయస్ పరిశ్రమలో భద్రత ప్రమాణాలు పాటించకుండా వెల్డింగ్ పనులు నిర్వహించడం పక్కనే వ్యర్థ రసాయనాల ట్యాంక్ లో నిప్పు రవ్వలు పడి అగ్ని ప్రమాదం సంబవించింది అని అన్నారు. ప్రమాదం జరిగిన వెంటనే కార్మికులు, ఉద్యోగులు ప్రాణ భయంతో పరుగులు తీసారని తెలియజేస్తూ సమీప గ్రామ తాణం ప్రజలు ప్రమాదం చూసి ఆందోళనకు గురి అయ్యారని తెలిపారు. ఇన్స్పెక్టర్ ఆఫ్ ఫ్యాక్టరీస్, పొల్యూషన్ కంట్రోల్ బోర్డ్, ఫైర్ అధికారులతో సమగ్ర విచారణ చేయాలని వీరు డిమాండ్ చేశారు. ఫార్మా సిటీలో భద్రత ప్రమాణాలు అమలు జరిగేలా చర్యలు తీసుకోవాలని అన్నారు. కార్మికుల ప్రాణాలకు రక్షణ కల్పించాలని లేఖ లో వీరు కోరారు.
|
|