అది మా సార్వభౌమత్వాన్ని ఉల్లఘించే కవ్వింపు చర్యే: చైనా
international | Suryaa Desk | Published : Fri, Aug 05, 2022, 10:43 PM
తైవాన్‌లో ఫెలోసీ ప‌ర్య‌ట‌న‌ను త‌మ సార్వభౌమత్వాన్ని ఉల్లంఘించే కవ్వింపు చ‌ర్య‌గానే చైనా చెబుతోంది. ఈ క్రమంలోనే తైవాన్‌లో ప‌ర్య‌టించిన అమెరికా ప్ర‌తినిధుల స‌భ స్పీకర్ నాన్సి ఫెలోసిపై చైనా ఆంక్ష‌లు విధించింది. ఈ మేర‌కు శుక్ర‌వారం చైనా విదేశాంగ శాఖ ఓ ప్ర‌క‌ట‌న విడుద‌ల చేసింది. అయితే ఫెలోసీపై ఏ త‌ర‌హా ఆంక్ష‌లు విధిస్తున్న విష‌యాన్ని చైనా వెల్ల‌డించ‌లేదు. ఫెలోసీ తైవాన్ ప‌ర్య‌ట‌న‌కు తీవ్ర అభ్యంత‌రం వ్య‌క్తం చేసిన చైనా ఈ ప‌ర్య‌ట‌న ప‌ట్ల నిర‌స‌న‌ను తెలిపింది. గ‌డ‌చిన 25 ఏళ్ల‌లో తైవాన్‌ను సంద‌ర్శించిన అమెరికా అతిపెద్ద నేత ఫెలోసీనే. తైవాన్‌ను త‌న అంత‌ర్భాగంగా చైనా పేర్కొంటున్న సంగ‌తి తెలిసిందే. ఈ క్ర‌మంలో తైవాన్‌లో ఫెలోసీ ప‌ర్య‌ట‌న‌ను త‌మ సార్వభౌమత్వాన్ని ఉల్లంఘించే కవ్వింపు చ‌ర్య‌గానే చైనా చెబుతోంది. ఈ క్ర‌మంలో ఫెలోసీపైనే కాకుండా ఆమె కుటుంబ స‌భ్యుల పైనా ఆంక్ష‌లు విధిస్తున్న‌ట్లు చైనా ప్ర‌క‌టించింది.
|
|