అందరికంటే ముందు 5జీ నెట్ వర్క్ లో జీయో రానున్నదా

ఇంటర్నేట్  రంగంలో దూసుకొచ్చిన జీయో సంస్థ  తాజాగా 5జీ సేవల్లోనూ అంతే దూసుకొచ్చే అవకాశం కనిపిస్తోంది. ఇదిలావుంటే  దేశంలోనే నంబర్‌ వన్ టెలికం సంస్థ రిలయన్స్ జియో అతి త్వరలోనే 5జీ నెట్‌వర్క్‌ను ప్రారంభించేందుకు సిద్ధమైంది. 5జీ స్పెక్ట్రమ్ వేలంలో అత్యధిక బిడ్డర్‌గా జియో నిలిచింది. ఏకంగా రూ.80వేల కోట్లకు పైగా వెచ్చించి ఎక్కువ ఎయిర్‌వేవ్స్‌ను సొంతం చేసుకుంది. కాగా, అనుకున్న దాని కంటే ముందే 5జీ నెట్‌వర్క్‌ను జియో లాంచ్ చేసే అవకాశాలు కనిపిస్తున్నాయి. ప్రైవేట్ టెలికం సంస్థలు 5జీ సేవలను అక్టోబర్‌లో మొదలుపెడతాయని అంచనాలు వచ్చాయి. ప్రభుత్వం సైతం అదే భావనను వ్యక్తం చేసింది. అయితే జియో చైర్మన్ ఆకాశ్ అంబానీ ఓ హింట్ ఇవ్వడంతో జియో 5జీ లాంచ్‌ ముందుగా ఉంటుందా అన్నది చర్చనీయాంశంగా మారింది. అసలు ఆకాశ్ అంబానీ ఏమన్నారు.. దాన్ని బట్టి ఏం తెలుస్తోందో చూడండి.

“దేశవ్యాప్తంగా 5జీ రోల్అవుట్‌తో అజాదీ కా అమృత్ మహోత్సవ్ వేడుక జరుపుకుందాం” అని జియో కొత్త బాస్ ఆకాశ్ అంబానీ అన్నారు. ప్రపంచస్థాయి అఫార్డబుల్ 5జీ, 5జీ బేస్డ్ సేవలను అందించేందుకు కట్టుబడి ఉన్నామని చెప్పారు. దీంతో స్వాతంత్య్ర దినోత్సవం సందర్భంగా ఆగస్టు 15వ తేదీన జీయో 5జీ నెట్‌వర్క్ ప్రారంభమవుతుందనే అంచనాలు వెలువడుతున్నాయి. అదే జరిగితే దేశంలో 5జీ సర్వీస్ ప్రారంభించిన మొదటి టెలికం సంస్థగా జీయో నిలుస్తుంది.

మరోవైపు రిలయన్స్ జియో ఇప్పటికే 5జీ ట్రయల్స్‌ను పూర్తి చేసింది. ఈ టెస్ట్‌లపై జియో పెద్దగా సమాచారం వెల్లడించలేదు. ఎయిర్‌టెల్‌, వొడాఫోన్ ఐడియా మాత్రం 5జీ టెస్టింగ్‌పై ప్రకటనలు చేశాయి. 5జీ కి కావాల్సిన మౌలిక సదుపాయాలు జియోకు సిద్ధంగా ఉండడంతో తొలుత 5జీ కమర్షియల్ లాంచ్ జియోనే చేసే అవకాశాలు అధికంగా ఉన్నాయి.

ఆగస్టు 15న జియో 5జీ లాంచ్ చేయనున్నామనే అర్థం వచ్చే విధంగా ఆకాశ్ అంబానీ హింట్ ఇచ్చారు. అయితే దీన్ని జియో ఎలా కార్యాచరణలోకి తెస్తుందన్నది ఆసక్తికరంగా ఉంది. ఎందుకంటే యూజర్ 5జీ నెట్‌వర్క్ పొందాలంటే కొత్తగా 5జీకి సపోర్ట్ చేసే సిమ్ తీసుకోవాల్సిందే. జియో అప్పటిలోగా సిమ్‌లను అందుబాటులోకి తెస్తుందేమో చూడాలి. ఒకవేళ మిగిలిన టెలికం సంస్థల కంటే జియో ముందుగానే 5జీ సిమ్‌లను తీసుకురాగలిగితే.. ఆ కంపెనీకి అది పెద్ద ప్లస్ అవుతుంది. ముందుగా దేశంలోని ప్రధాన నగరాల్లో 5జీ సర్వీస్‌కు అందుబాటులోకి వస్తాయి.

5జీ నెట్‌వర్క్‌ను విస్తారంగా లాంచ్ చేసేందుకు సరిపడా స్పెక్ట్రమ్‌ను వేలంలో దక్కించుకుంది జియో. మొత్తంగా రూ.88,078 కోట్లను వెచ్చించి ఎయిర్‌వేవ్స్‌ను సొంతం చేసుకుంది. 700 MHz ఎయిర్‌వేవ్స్‌ను దక్కించుకున్న ఏకైక టెలికం సంస్థగా రిలయన్స్ జీయో నిలిచింది.